Lidary pravacentrysckaj kaalicyi — staršynia ruchu «Za svabodu» Juryj Hubarevič, sustaršynia BCHD Vital Rymašeŭski i v.a. staršyni AHP Mikałaj Kazłoŭ — praviali siońnia pres-kanfierencyju, na jakoj raspaviali pra płany i biahučuju dziejnaść, paviedamlaje pres-słužba ruchu «Za svabodu»
«Naš supolny kurs na sumiesnuju pracu zastajecca niaźmiennym. Adno z asnoŭnych pytańniaŭ, jakoje staić pierad nami — padrychtoŭka da prezidenckich vybaraŭ 2020 hodu. My pačynajem rychtavacca pa niekalkich kirunkach, i heta nie tolki abrańnie adzinaha kandydata», — adznačyŭ Juryj Hubarevič.
Jon paćvierdziŭ, što pravacentrysty nie buduć raspylacca, i kandydat budzie adzinym. «Toje, nad čym my pracujem zaraz — heta prahrama dla adzinaha kandydata. Heta nie mienš važna», — padkreśliŭ palityk. Ahulnaja kolkaść temaŭ dla prahramy — bolš za dziasiatak: miascovaje samakiravańnie, piensijnaja reforma, achova zdaroŭja, adukacyja, vybarčaje zakanadaŭstva i h.d.
Hubarevič ličyć, što prezidenckija vybary — heta ŭ niejkaj stupieni instrumient, što heta mahčymaść pakazać ludziam, što jość alternatyva, što možna žyć pa-inšamu, čym zaraz. «Nam važna abjadnańnie. Patencyjał u pravacentrysckaj kaalicyi jość», — adznačyŭ palityk, dadaŭšy, što jany čakajuć dałučeńnia inšych pradstaŭnikoŭ demsiłaŭ.
Prahrama dla kandydata budzie hatovaja ŭžo ŭ nastupnym hodzie. «Na siońnia my viadziem pieramovy, jak budzie vyhladać pracedura abrańnia adzinaha. Pačatak nastupnaha hodu my možam kazać pra zapusk pracedury i nastupny vychad na adzinaha kandydata ad pravacentrystaŭ», — dadaŭ jon.
Hubarevič upeŭnieny, što pravacenstrysckaja kaalicyja źbiare nieabchodnych 100 tysiačaŭ podpisaŭ.
-
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»
-
Małady dzied z Karmy zachacieŭ dałučyć Sumy da Rasii. Praktyčny vynik — unučka ŭ Mazyry ubačyć jaho tolki na fota
-
Prapanavali zamacavać zakanadaŭča abaviazak brać udzieł u pierapisie
Kamientary