U Maskvie prezident hrupy kampanij «Kampjulink» Michaił Lašč uziaty pad vartu. Śledčyja padazrajuć jaho ŭ machlarstvie ŭ asabliva bujnym pamiery, pieradaje RBK.
Michaił Lašč byŭ zatrymany 19 vieraśnia. Jak paviedamlaje pres-słužba kampanii, spačatku jon byŭ zaprošany dla dačy pakazańniaŭ, adnak paśla zakančeńnia razmovy sa śledčymi byŭ zatrymany.
Adnačasova z zatrymańniem Michaiła Lašča ŭ Maskvie prajšli pieratrusy ŭ eks-kiraŭnika « Kampjulinka» Siarhieja Sulhina.
Hrupa kampanij « Kampjulink akazvaje pasłuhi ŭ śfiery infarmacyjnych technałohij i kansałtynhu, zajmajecca stvareńniem sietak pieradačy danych i pastaŭkaj prahramnaha zabieśpiačeńnia i abstalavańnia. « Kampjulink» nieadnarazova zajmaŭ vysokija radki ŭ rejtynhach najbujniejšych IT-kampanij Rasii. U rejtynhu «Kamiersanta» za minuły hod «Kampjulink» akazaŭsia na dziesiatym radku: vyručku kampanii vydańnie aceńvaje ŭ 17,4 młrd rasijskich rub. (heta kala 500 młn biełaruskich rubloŭ).
Kamientary