Pasprabujcie ŭvieści ŭ huhł-pierakładčyku nazvu «rykota», i jon pierakładzie jaho ź italjanskaj movy jak tvaroh. Tamu hod 10 tamu, kali ja ŭpieršyniu pačuła pra sous da makaron z rykotaj-tvarahom, moj apietyt niejak pahas. Ale ŭpeŭnienaść u tym, što ŭ italjanskaj kuchni niama niasmačnych straŭ, usio ž padšturchnuŭ mianie pakaštavać pasta con ricotta. Na maju radaść, strava akazałasia vielmi smačnaja!
Praź niejki čas ja usio ž daviedałasia, što nijaki heta byŭ nie tvaroh, a tradycyjny italjanski śviežy syr. Rykota hatujecca z syrovatki pieravarvańniem (što i znajšło adlustravańnie ŭ samoj naźvie ricotta — «pieravaranaja») i vykarystoŭvajecca dla hatavańnia jak salonych, tak i sałodkich straŭ.
Nižej vy znojdziecie recept sousu dla makarony z tradycyjnym spałučeńniem smakaŭ rykota-špinat. Smačna jeści!
Na 4 porcyi:
- 400 h makarony;
- 250 h rykoty;
- 200 h viarškoŭ, 20%;
- 3 zubčyki časnaku;
- 200 h špinatu (śviežy ci zamarožany);
- halinka čaboru;
- sol-pierac;
- aliŭkavy alej;
- kiedravyja arechi i parmiezan da smaku.
Makaronu varym u salonaj vadzie. U hety čas hatujem sous. Drobna narazajem špinat i časnok. Rykotu źmiešvajem ź viarškami. Na patelni razahravajem alej, dadajom časnok, damo trochi padsmažycca. Dalej dadajom špinat, nakryvajem patelniu nakryŭkaj i pakidajem na chvilin 5 na siarednim ahni. Kali my pabačyli, što špinat zhatavaŭsia (staŭ miakki i paciamnieŭ), dadajom rykotu ź viarškami. Solim i pierčym, dadajom liściki čaboru. Dajom sousu zakipieć, pamiešvajučy. Kali sous staŭ zanadta husty, možna dadać niekalki stałovych łyžak vady z-pad makarony.
Sous źmiešvajem z makaronami, pasypajem parmiezanam ci inšym vašym upadabanym ciortym syram i kiedravymi areškami da smaku.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary