«Pramych pohladaŭ na sabie nie zaŭvažała. Mnie zdajecca, što ciapier heta norma». Čamu dziaŭčaty admaŭlajucca ad biusthaltaraŭ?
Try słuččanki raskazali «Kurjeru», čamu admovilisia ad biusthaltaraŭ, jak adčuvajuć siabie bieź jaho i jak na heta reahujuć ludzi.
Anastasija Hrynienka: «Nu skažycie, heta tak ciažka źniać stanik?»
Fota pradstaŭlena Nastaśsiaj.
«Pieršy biusthaltar źjaviŭsia ŭ mianie ŭ 15 hadoŭ — heta byŭ padarunak maci. Ja była rada, što stała dastatkova darosłaj, kab prasić jaho. Časam nasiła maminy staniki — z parałonam.
U mianie druhi pamier.
Zaraz u paŭsiadzionnym žyćci biusthaltar nie našu. Nadziavaju jaho tolki tady, kali hetaha patrabuje adzieńnie. Naprykład, viačerniaja sukienka abo kaścium.
Bieź jaho adčuvaju siabie svabodna i seksualna. Kali jon na mnie, źjaŭlajecca adčuvańnie skavanaści. Ale nievialikaje, bo kuplaju darahuju bializnu za miažoj — kamplekt za $50-70. Impartnaje nosicca lepš, dy i jakaść inšaja.
Kali ja biez stanika, babuli ci inšyja darosłyja mohuć skazać: «Ci nie soramna tabie?» Ale ja nie źviartaju na ich uvahi. Nikoli nie turbavałasia tym, što pra mianie padumajuć ludzi, asabliva čužyja ludzi. Bo ja ni pra kaho ź ich nie dumaju, dyk čamu jany pavinny dumać pra mianie. Ja nie abaviazanaja adpaviadać ničyim čakańniam.
Naŭrad ci dziaŭčaty nosiać biusthaltary sa zručnaści. Chutčej za ŭsio, dla karekcyi biusta, nu i normy, pryniatyja ŭ hramadstvie, majuć nie apošniuju rolu.
Słuččanki, nie treba saromiecca. Rabicie ŭsio, kab stać choć kryšačku bolš ščaślivymi i volnymi. Nie pasprabavaŭšy, vy nikoli nie daviedajeciesia, jak heta — nie adpaviadać normam. Nu skažycie, chiba heta tak ciažka źniać stanik?»
Iryna Branaviec, 27 hadoŭ: «Užo 10 hadoŭ chadžu biez stanika»
Fota pradstaŭlena Irynaj Branaviec.
«Pieršy biusthaltar mnie padaryła maci na majo 14-hodździe. Jon byŭ čornaha koleru, pieršaha pamieru i z zašpilkami śpieradu. Ja była rada takomu padarunku.
U 17 hadoŭ admoviłasia ad stanika. Pamiataju, byŭ haračy dzień, i ja vyrašyła prahulacca bieź jaho. Mnie spadabałasia. Bieź biusthaltara adčuvaješ niejkuju lohkaść, a ź im — skavanaść.
Jakuju tolki ja nie kuplała bializnu — usio adno niekamfortna, byccam na mnie niešta lišniaje i jano mnie pieraškadžaje. Spačatku saromiełasia chadzić bieź jaho, ale pačućcio niajomkaści chutka raźviejałasia, tamu što mnie było zručna. Voś užo dziesiać hadoŭ tak chadžu.
Hrudzi ŭ mianie nievialikija, tamu padtrymlivać ich nie treba. Navat paśla pieršaha dziciaci ja nie admoviłasia chadzić bieź biusthaltara.
Pramych pohladaŭ na sabie nie zaŭvažała. Mnie zdajecca, što ciapier heta norma, i mnohija tak chodziać. Mama tolki kazała, što tak nieprystojna chadzić, ale ŭžo pryvykła i nie suprać.
Adziny mužčyna, jaki robić mnie kamplimienty i całkam padtrymlivaje, heta moj muž. Adkryta nie raŭnuje. Naadvarot, kaža, što ja pryhožaja, seksualnaja i mnie nie treba ničoha chavać.
Ciapier prychodzicca chadzić u biusthaltary, bo ja ŭ dekrecie i karmlu dzicia hrudźmi».
Valeryja Kojka-Białkoŭskaja, 23 hady: «Hrudzi pavinny adpačyvać»
«Pieršy topik dla hrudziej źjaviŭsia ŭ mianie niedzie ŭ 13 hadoŭ. Staniki ja čamuści saromiełasia nasić, a voś z topikam było kamfortna.
Siońnia moj pamier (druhi) dazvalaje mnie admovicca ad biusthaltara. Mahu abyścisia bieź jaho, kali horača ci nastroj lanivy. Voś časam pračnułasia, nadzieła zvyčajnuju majku i pajšła na vulicu. Uzimku zamiest stanika adziavaju majku, a navierch — śvitar.
Adčuvaju siabie kamfortna. Navakolnyja nie źviartajuć uvahi, bo dla ich vačej heta niezaŭvažna. Ja nie našu prazrystyja błuzki, majki z hłybokim vyrazam. Takoha, kab saski tyrčali, taksama nie było. Starajusia vybirać rečy, kab tkanina była ščylnaja abo majka šyrokaja.
Tyja, u kaho vialikija hrudzi, nosiać staniki dla zručnaści, a tyja, u kaho maleńkija, tamu što pryvykli ci «tamu što tak treba». Doma naohuł nie varta ich nasić, tym bolš spać u ich, hrudzi pavinny adpačyvać».
Što kažuć lekary
Pytańnie, nasić biusthaltar ci nie nasić, vyklikaje šmat sprečak siarod dziaŭčat i lekaraŭ. Jość mierkavańni i vyniki roznych daśledavańniaŭ, što nie nasić stanik — karysna, asabliva tym, u kaho hrudzi 1-2-ha pamieru. Jany radziej chvarejuć na rak małočnaj załozy, nie adčuvajuć dyskamfortu (ničoha nie dušyć i nie reža), zaŭvažajuć, što hrudzi stali bolš pruhkimi.
Adnak całkam admovicca ad biusthaltara naŭrad ci zmohuć dziaŭčaty, u jakich pamier hrudziej 3 i bolš. Im bializna treba dla taho, kab padtrymlivać hrudzi, inakš jany mohuć abvisnuć.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary