U Aŭstralii va ŭzroście 88 hadoŭ pamior Michaił Famienka pa mianušcy Tarzan, jaki 60 hadoŭ žyŭ pustelnikam u Paŭnočnym Kvinślendzie. Pra heta piša Daily Mail sa spasyłkaj na miascovaje vydańnie Cairns Post.
Mierkavana Famienka naradziŭsia ŭ Hruzii ŭ siamji hruzinskaj kniahini Lizaviety Mačabieli i spartoŭca Daniela Famienki, ale aficyjnaha paćviardžeńnia hetamu niama. U 1930-ja hady, nieŭzabavie paśla jaho naradžeńnia, siamja źbiehła ŭ Japoniju, a ŭ 1941 hodzie, paśla pačatku Japonska-kitajskaj vajny, u aŭstralijski Sidnej.
U pačatku 1950-ch Famienka źbieh z domu ŭ Nortbrydžy na zachadzie krainy ŭ Paŭnočny Kvinślend, pa słovach jaho siastry, natchniŭšysia paemaj Hamiera «Adysieja».
Famienka «paźbiahaŭ sučasnaha hramadstva bolš za 60 hadoŭ, vyžyvaŭ u dzikaj pryrodzie i zabivaŭ krakadziłaŭ i dzikoŭ hołymi rukami», piša Daily Mail. Miascovyja žychary časta bačyli jaho na ŭzbočynach tras z hołym torsam.
U 1959 hodzie paviedamlałasia, što Tarzana znajšli ŭ džunhlach źniamožanym. U 1964 hodzie jaho aryštavali za badziažnictva i nieprystojnyja pavodziny, bo nasiŭ tolki naściehnavuju paviazku. Pa dadzienych Sydney Morning Herald, jon byŭ pryznany nienarmalnym i prachodziŭ elektrašokavuju terapiju ŭ psichijatryčnych balnicach.
Famienka pamior u špitali horada Babinda ŭ štacie Kvinślend, dzie pravioŭ apošnija miesiacy žyćcia. Lekary dazvalali jamu naviedvać najbližejšyja parki, pisała Cairns Post.
«Michaił Famienka byŭ tym, kaho zapomniać za niazhasłuju luboŭ da aŭstralijskich džunhlaŭ i nievierahodnuju advahu ŭ dasiahnieńni mary», — skazała Cairns Post jaho siastra Inesa.
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
-
U amierykanskim Tenesi ŭpieršyniu za 200 hadoŭ źbiralisia pakarać śmierciu žančynu. Ale vykanańnie prypynili za hadzinu da pryznačanaha času
Kamientary