U Hroznym i ŭ Šalinskim rajonie Čačni (na paŭdniovy ŭschod ad stalicy rehijona) adbyłosia niekalki vypadkaŭ napadu na palicejskich. Jak paviedamlaje «Interfaks» sa spasyłkaj na krynicu, u ich zahinuŭ adzin supracoŭnik pravaachoŭnych orhanaŭ, paciarpieli jašče troje.
Ria.ru sa spasyłkaj na surazmoŭcu ŭ siłavych strukturach paviedamlaje, što ŭ Hroznym adbyłasia stralanina na skryžavańni vulic Pieršamajskaj i Isajeva. Nieviadomyja napali na supracoŭnikaŭ palicyi, adzin ź ich zahinuŭ.
Telekanał NTV biez ukazańnia krynic infarmacyi paviedamlaje, što na ŭjeździe ŭ Hrozny nieviadomy «kinuŭ vybuchovuju pryładu ŭ supracoŭnikaŭ DPS», ale jana nie spracavała. Paśla hetaha, pa dadzienych telekanała, napadnik, znachodziačysia za rulom aŭtamabila, źbiŭ palicejskich, paciarpieli troje. Supracoŭniki pravaachoŭnych orhanaŭ adkryli ahoń, napadnik byŭ zabity.
Taksama ria.ru sa spasyłkaj na krynicu ŭ pravaachoŭnych orhanach taksama paviedamiła, što nieviadomy napaŭ na supracoŭnikaŭ DPS, ale siarod ich «paranienych niama».
Na momant publikacyi MUS aficyjna paviedamiła tolki pra napad na adździaleńnie palicyi pa Šalinskim rajonie. Pavodle infarmacyi ŭładaŭ, napadnikaŭ było dvoje, jany byli ŭzbrojeny nažami. Palicejskija ich zastrelili. Dvoje supracoŭnikaŭ palicyi paranienyja.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki5
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary