realnaja tavarnaja vytvorčaść u ekanomicy ‑ vyznačalny faktar. Pra heta zajaviŭ biełaruski premjer padčas svajho vizytu ŭ Ryhu.
Ab hetym zajaviŭ žurnalistam premjer‑ministr Biełarusi Siarhiej Sidorski 12 listapada padčas adkryćcia vystavy «Biełaruś‑EKSPA 2008» u Ryzie. «Finansavy kryzis pakazaŭ usiu zhubnaść papiarovaj finansavaj sistemy, jakaja isnavała ŭ śviecie», — ličyć S.Sidorski.
Pavodle jaho słoŭ, Łatvija i Biełaruś «dastatkova nadavali ŭvahi raźvićciu ekspartnych rynkaŭ dźviuch krain».
«Ciapier staić zadača zachavać hetyja ekspartnyja rynki», — padkreśliŭ S.Sidorski.
Jon paviedamiŭ, što pa vynikach 2008 hoda tavaraabarot pamiž dźviuma krainami pavinien pavialičycca ŭdvaja ŭ paraŭnańni z 2007 hodam, i, jak čakajecca, jon pieravysić 2,1 młrd. dołaraŭ. Za studzień—vierasień hety pakazčyk skłaŭ 1,9 młrd. dołaraŭ i ŭ paraŭnańni z anałahičnym pieryjadam 2007 hoda pavialičyŭsia bolš čym u 2,5 razu.
S.Sidorski padkreśliŭ, što Łatvija tryvała ŭtrymlivaje lidzirujučyja pazicyi ŭ źniešniehandlovym abarocie Biełarusi siarod krain pa‑za SND, zajmajučy šostaje miesca pa ŭzroŭni tavaraabarotu. Ekspart biełaruskaj pradukcyi ŭ Łatviju za dzieviać miesiacaŭ 2008 hoda skłaŭ 1.767,7 młn. dołaraŭ, impart — 106,5 młn. dołaraŭ.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty44
Kamientary