Pradstaŭniki Seułu i Pcheńjanu praviali pieramovy ŭ Paŭdniovaj Karei i pačali padrychtoŭku da novaj dvuchbakovaj sustrečy. Jana pryznačanaja na 13 žniŭnia ŭ pamiežnym punkcie Pchanmundžom, piša radyjo «Svaboda» sa spasyłkaj na paŭdniovakarejskaje ahienctva Yonhap.
Pavodle dadzienych ahienctva, na pieramovach budzie abmiarkoŭvacca vykanańnie deklaracyi, pryniataj lideram KNDR Kim Čen Ynam i prezydentam Paŭdniovaj Karei Mun Čže Inam na samicie 27 krasavika. Aproč inšaha, baki majuć namier abmierkavać padrychtoŭku nastupnaj sustrečy na najvyšejšym uzroŭni.
Pradstaŭniki dźviuch krain taksama abmierkavali madernizacyju i abjadnańnie čyhunak, raźjadnanych paśla Karejskaj vajny 1950-53 hadoŭ. Akramia taho, idzie havorka pra adnaŭleńnie ŭčastku aŭtamabilnaj darohi, jakaja złučaje Pcheńjan i Seuł.
Padčas samitu 27 krasavika 2018 lidery abviaścili pra namier padpisać mirnuju damovu, jakaja aficyjna pakładzie kaniec stanu vajny pamiž dźviuma krainami. Akramia taho, Pcheńjan i Seuł abviaścili pra pačatak rabot nad poŭnym jadziernym razzbrajeńniem na Karejskim paŭvostravie.
Kim Čen Yn staŭ pieršym paŭnočnakarejskim lideram, jaki naviedaŭ Paŭdniovuju Kareju z 1953 hodu. Tady było zaklučanaje pieramirje ŭ karejskaj vajnie, adnak mirnaja damova dahetul nie padpisanaja.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary