Zdaroŭje1818

«Ja važyŭ 152 kh». Haradzieniec raspaviadaje, jak schudnieŭ amal udvaja

27-hadovy pradprymalnik Pavieł Jafimienka z Hrodna dzielicca z tut.by svaim vopytam raźvitańnia z 70 kh: jak jon nie moh padniacca na čaćviorty pavierch biez dychavicy, upieršyniu zdoleŭ biez starońniaj dapamohi macavać pres, amal straciŭ nadzieju i, narešcie, damohsia hałoŭnaj mety — jakaja vymiarałasia zusim nie ŭ kiłahramach.

— U 23 hady maja vaha była 152 kh. Jak vam takoje dasiahnieńnie? — iranizuje Pavieł. — A abjom talii — 140 sm.

Jon sapraŭdy pamiataje datu, kali zrazumieŭ: usio, chopić, treba spynić vieści taki ład žyćcia — 1 kastryčnika 2014 hoda. Siabar paraiŭ zapisacca ŭ trenažornuju zału.

Pierš za ŭsio trenier skazaŭ źmianić režym charčavańnia. Hetaje pytańnie vyrašała žonka Śviatłana. Pavieł tolki kaža, što dziakujučy jaje kulinarnym zdolnaściam i ŭmieńniu navat z hierkulesa zrabić šedeŭr, pierajści na novy racyjon akazałasia nie składana.

Zatoje fiznahruzki dla čałavieka z zališniaj vahoj, jaki i na čaćviorty pavierch ź ciažkaściu padymaŭsia, byli sapraŭdnym katavańniem.

— Jak ciapier uzhadvaju svaju pieršuju treniroŭku, heta było piekła! — pryznajecca pradprymalnik.

Kab Pavieł naohuł moh macavać pres, trenieru davodziłasia pryŭzdymać jaho nohi. Ale pacichu mužčyna stanaviŭsia macniejšym. Vynik byŭ vielmi prykmietny na vahach: u pieršy miesiac syšło 17 kh, u druhi — 10 kh. A za try miesiacy ŭ cełym Pavieł raźvitaŭsia z 30 lišnimi kiło. Mužčyna abnaviŭ harderob i spadziavaŭsia, što navahodnija śviaty sustrenie ŭ «lohkaj» vazie ŭ centnier.

— Navat padčas śviataŭ vykonvaŭ režym. Pa haściach chadziŭ sa svaimi kantejnierami. Vielmi chacieŭ chutčej pryjści da mety ŭ 100 kh, — ciapier užo bačyć svaju pamyłku pradprymalnik.

Pachudańnie bolš nie było takim imklivym. Niahledziačy na ekśpierymienty z charčavańniem i navat dadatkovyja pachody ŭ basiejn za studzień «syšli» tolki 7 kh.

— Ščyra skažu, heta było vielmi i vielmi ciažka, pierš za ŭsio ŭ maralnym płanie. Ja dyk dumaŭ, što vaha budzie sychodzić tak ža chutka! Tamu byli zryvy: padmanvaŭ treniera, a na samaj spravie siabie.

Pavieł uspaminaje: ciažka było bačyć, što ad tydnia zaciatych, źniasilvajučych trenirovak i abmiežavańniaŭ u kałoryjach vaha nie zrušvajecca ź miesca. Abo sychodzić adzin kiłahram.

— Pačynajucca sumnievy ŭ sabie, u svaich dziejańniach, navat u treniery. Dumaješ: a ci pravilnyja zadačy jon stavić? Voś ciapier ja viedaju: u takich situacyjach treba praciahvać pracavać pa vyznačanym płanie. Kali vaha staić, heta taksama prahres.

U lutym 2015 hoda, kali hrodzieniec važyŭ 113 kh, jamu ŭpieršyniu atrymałasia samastojna, biez starońniaj dapamohi macavać pres.

— Kryčaŭ na ŭsiu zału: «Ja heta zrabiŭ, ja heta zrabiŭ!»

Pavieł adznačaje, što da hetaha času ŭ žyćci źmianiłasia ŭsio - charčavańnie, son i navat asiarodździe. Za luty i sakavik syšło jašče 9 kh, źjaviłasia ciahavitaść. Kali strełka vahaŭ nabliziłasia da sotni, napieradzie zamajačyła novaja meta — 90 kh.

— Raniej ja navat ujavić nie moh, što budu niezadavoleny vahoj u 100 kh. Kaliści heta było majoj maraj! A ciapier tyja, chto nie viedaŭ mianie raniej, usio roŭna kazali: ty toŭsty.

Treniravacca ŭžo było značna lahčej, ale źjaviłasia novaja prablema — lišniaja skura, jakaja raściahnułasia z-za pachudańnia.

— Pryznajusia, byli dumki pajści na apieracyju, ale ja vielmi nie chacieŭ. Mnie paraili dobruju masažystku, jakaja ŭziałasia za pracu. Za tryccać sieansaŭ adnaviłasia praktyčna ŭsio.

U červieni mužčyna važyŭ 82 kh — vychodzić, za 10 miesiacaŭ skinuŭ 70 kh.

— Raździeł «pachudańnie» dla mianie skončyŭsia, ciapier imknusia ŭtrymać vahu. Heta ciažka. Za try hady jana znoŭ padniałasia, da 90 kh. Ale svajoj historyjaj ja zachacieŭ padzialicca, kab dakazać: tak schudnieć mahčyma. I moža być, navat natchnić ludziej z zališniaj vahoj.

Pavieł Jafimienka pryznajecca, što ŭ 2014 hodzie jaho sapraŭdnaj matyvacyjaj mianiacca stali słovy lekara.

— My z žonkaj pryjšli ŭ balnicu, a nam skazali, što ja nie zmahu mieć dziaciej. I zališniaja vaha taksama ŭ tym vinavataja. Za piać hadoŭ my źmianili usio svajo žyćcio dziela dziciaci, i ŭ nas usio ŭdałosia. Praz dva miesiacy budzie syn.

Kamientary18

Ciapier čytajuć

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Usie naviny →
Usie naviny

ZŠA pierakidajuć na Blizki Uschod druhi avijanosiec i dziasiatki samalotaŭ8

«Pradali 1647 kupiur za 3 dni». Ažyjataž vakoł pamiatnaj banknoty Nacbanka nie ścichaje3

Stała viadoma jašče pra adnaho biełarusa, jaki vajavaŭ na baku Rasii i trapiŭ u pałon1

U paŭdniovaj Jeŭropie prajšli mitynhi suprać turystaŭ

Susiedzi zrabili kuchniu ŭ łodžyi, i ciapier u susiedziaŭ čuvać zvon posudu

«Abzvońvajem dziaciej, unukaŭ». Čynoŭniki z ruletkami pajšli praviarać vyšyniu travy na ŭčastkach biełarusaŭ20

Maładziečancy ciaham troch dzion nazirali za maładoj kačkaj, jakaja zvaliłasia ŭ kałodziež fantana ŭ parku1

U Biełarusi zaŭvažyli fłaminha?

Stała viadoma, chto źjaŭlajecca chedłajnieram Schodu nieabyjakavych — mierapryjemstva apanientaŭ Cichanoŭskaj22

bolš čytanych navin
bolš łajkanych navin

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Hałoŭnaje
Usie naviny →

Zaŭvaha:

 

 

 

 

Zakryć Paviedamić