Nieviadomyja pavalili kryžy la restarana ŭ Kurapatach. A milicyja sprabavała supravadzić tudy mašynu z praduktami
U noč na 13 červienia nieviadomyja pavalili kryžy, jakija abaroncy Kurapataŭ vystavili la prajezdu ŭ restaran «Pajedziem pajadzim» praz achoŭnuju zonu, jaki mieścicca za 50 mietraŭ ad miemaryjała, paviedamlaje Radyjo Svaboda.
Jak raskazaŭ Svabodzie adzin za lidaraŭ pratestu, sustaršynia BCHD Pavieł Sieviaryniec, aktyvisty padazrajuć, što kryžy pavalili supracoŭniki restarana — pratestoŭcy stavili kryžy jakraz kab pieraškodzić mašynam z praduktami jeździć «niezakonnaj» darohaj.
Aktyvisty praciahvajuć štodzionnuju vachtu (i sprabujuć nie prapuskać u mašyny z hruzami, ahitujuć naviednikaŭ nie chadzić u «kabak» na kostkach», jak jany nazyvajuć «Pojediem pojedim». Siońnia da pratestu dałučylisia taksama pravaabaroncy «Viasny» na čale z Alesiem Bialackim, jakija razharnuli raściažku «Kurapaty — miesca złačynstva i smutku».
«Siońnia a 12-j u Kurapatach sabrałasia čałaviek dvaccać, pryjechali ludzi z rehijonaŭ, z Babrujska, ź Viciebska, — raskazvaje Sieviaryniec. — Niedzie ŭ 12:30 pačalisia incydenty. Śmiećcievoz i mašyna z praduktami sprabavali prajechać na terytoryju «Bulbaš-chołu», šeść supracoŭnikaŭ milicyi i DAI sprabavali ssunuć pratestoŭcaŭ z prajezdu.
Dajšło i da šturchaniny, na ziamlu pavalili Taćcianu Sieviaryniec, ale adstupili, nie zmahli ludziej sapchnuć. Aformili dva pratakoły na mianie i na Alaksandra Turoviča za parušeńnie praviłaŭ darožnaha ruchu».
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary