Prezidenty Rasii i Ukrainy Uładzimir Pucin i Piatro Parašenka praviali telefonnuju razmovu, padčas jakoj abmierkavali pytańni, źviazanyja z utrymańniem u rasijskich miescach pazbaŭleńnia voli ŭkrainskich źniavolenych, paviedamlaje administracyja prezidenta Ukrainy.
U paviedamleńni taksama adznačajecca, što Parašenka źviarnuŭ uvahu Pucina na haładoŭku niekatorych źniavolenych i vykazaŭ zaniepakojenaść paharšeńniem stanu ich zdaroŭja.
«Była dasiahnutaja damoŭlenaść, što ŭ bližejšy čas źniavolenych naviedajuć upaŭnavažanyja pa pravach čałavieka abiedźviuch krain», - havorycca ŭ paviedamleńni pres-słužby Parašenka.
U Kramli ŭdakładnili, što dasiahnutaja damoŭlenaść pra vizity ambudsmienaŭ tyčycca jak ukraincaŭ, jakija znachodziacca ŭ źniavoleńni ŭ Rasii, tak i rasijskich hramadzian, jakija znachodziacca ŭ źniavoleńni va Ukrainie.
Nahadajem, što 14 maja haładoŭku ŭ rasijskaj turmie abviaściŭ źniavoleny na 20 hadoŭ Aleh Siancoŭ, jon patrabuje vyzvaleńnia ŭsich ukrainskich palitviaźniaŭ, što ŭtrymlivajucca ŭ Rasii.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary