Kiraŭnik MUS Ukrainy Arsen Avakaŭ zajaviŭ, što dla vyzvaleńnia Danbasa nie abaviazkova pryciahvać vajskoŭcaŭ abo miratvorcaŭ, a dosyć dźviuch tysiač palicejskich. Pra heta jon skazaŭ padčas forumu «Formuła biaśpieki Ukrainy. Praciah» u čaćvier, 7 červienia, u Kijevie, pieradaje korrespondent.net.
«Heta zusim nie prosty praces i nie vajennaja apieracyja. Heta niaprostaja apieracyja, jakaja składajecca ź niekalkich kampanientaŭ, pierš za ŭsio kamunikacyjnaj, infarmacyjnaj. Technična heta, chutčej za ŭsio, budzie palicejskaja apieracyja biez vykarystańnia vajskovych sił», — skazaŭ jon.
Ministr upeŭnieny, što dla takoj apieracyi nie treba budzie pryciahvać 40 tysiač miratvorcaŭ AAN, a dastatkova budzie 2000 pravaachoŭnikaŭ. Jon padkreśliŭ, što heta adzin z varyjantaŭ vyrašeńnia situacyi ŭ ramkach miratvorčaj misii.
Avakaŭ adznačyŭ, što vyzvaleńnie Danbasa pavinna prachodzić pastupova — šlacham viartańnia ŭkrainskaj ułady i praviadzieńnia vybaraŭ paśladoŭna ŭ kožnym vyzvalenym nasielenym punkcie.
Jon dadaŭ, što nastupnaja faza deakupacyi — nieadkładnaja likvidacyja ekałahičnych ryzyk i raźminiravańnie terytoryi. Avakaŭ ličyć, što paśla hetaha Ukraina pavinna budzie pryniać šerah zakonaŭ — ab amnistyi i ab kałabarantach.
«Našy sacdaśledavańni pakazvajuć, što kala 60% ludziej na akupavanaj terytoryi hatovyja i chočuć viarnucca da mirnaha narmalnaha žyćcia va Ukrainie. 20% ludziej bajacca pierachodnaha pieryjadu, i jašče 20% chočuć u Rasieju», — ličyć Avakaŭ.
Na jaho dumku, viartańnie ŭ skład Ukrainy pa dadzienaj madeli moža zaniać kala paŭtara hoda.
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary