Tempieraturnyja rekordy dnia pabityja 30 krasavika ŭ Minsku i Homieli, paviedamili sinoptyki Minpryrody.
U biełaruskaj stalicy 30 krasavika było zafiksavana plus 25,3 hradusa. Raniej samaja vysokaja tempieratura ŭ hety dzień adznačałasia ŭ Minsku ŭ 2012 hodzie, tady było 24,8 hradusa vyšej za nul.
U Homieli ŭ apošni dzień krasavika słupok termomietra padniaŭsia da plus 26,1. Papiaredni tempieraturny rekord dnia ŭ hetym horadzie adznačany ŭ 1986 hodzie. Tady ŭ Homieli było 25,6 hradusa.
Takoje ž ciopłaje nadvorje zachavajecca i ciaham nastupnaha tydnia. Hetyja dni idealnyja, kab suzirać kviecień. Na poŭdni krainy ŭžo ćvituć jabłyni. U centry — višni, rannija ślivy, irha.
U hetym hodzie možna čakać vydatnaha ŭradžaju sadaviny: na kviecień nie budzie zamarazkaŭ.
Kamientary