Prezident Ukrainy Piatro Parašenka prapanuje Viarchoŭnaj Radzie spynić dziejańnie asobnych pałažeńniaŭ damovy ab družbie z Rasijaj, jakaja ŭžo 4 hady ažyćciaŭlaje vajennuju ahresiju suprać Ukrainy, paviedamlaje Ukrainskaja praŭda.
Pra heta jon skazaŭ u ramkach vystupu na forumie biaśpieki ŭ Kijevie 12 krasavika.
«Nastupnym krokam budzie ŭniasieńnie mnoj u Viarchoŭnuju Radu prajekta zakona ab nieadkładnym adnabakovym prypynieńni dziejańnia asobnych pałažeńniaŭ dahavora ab družbie, supracoŭnictvie i partniorstvie z Rasijaj u častcy, u jakoj dziejańnie hetaha dahavora nie sumiaščalna z nacyjanalnymi intaresami dziaržavy i realizacyjaj našaha prava na samaabaronu», - skazaŭ Parašenka.
Pavodle jaho słoŭ, takaja mahčymaść dajecca krainie mižnarodnym zakanadaŭstvam.
Havorka idzie ŭ pryvatnaści ab artykule ab stratehičnym partniorstvie pamiž Ukrainaj i RF abo pałažeńni ab dvuchbakovym supracoŭnictvie ŭ vajennaj vobłaści.
Parašenka razam z tym rastłumačyŭ, što admianiać hetuju damovu nielha.
«Bo važnyja dla Ukrainy pałažeńni, u jakich baki pavažajuć terytaryjalnuju cełasnaść adzin adnaho, paćviardžajuć nieparušnaść isnujučych pamiž imi miežaŭ», - padkreśliŭ jon.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary