16 maja ŭ Nacyjanalnym akademičnym teatry imia Janki Kupały adbudziecca premjera śpiektakla pa matyvach knihi Andrusia Horvata «Radziva «Prudok». Prajekt ažyćciaŭlajecca pry padtrymcy Ministerstva kultury Respubliki Biełaruś. Hienieralny partnior pastanoŭki — kampanija velcom. Režysioram śpiektakla vystupaje viadomy akcior Kupałaŭskaha teatra Raman Padalaka.
«Radziva «Prudok» raspaviadaje pra minskaha žurnalista i dvornika Kupałaŭskaha teatra Andrusia Horvata, jaki vyrašyŭ źjechać u viosku Prudok adnaŭlać dom svajho dzieda i pramianiaŭ mituśniu vialikaha horada na radaści viaskovaha žyćcia i blizkaść da ŭłasnych karanioŭ. Svaje ŭražańni jon spačatku raźmiaščaŭ na asabistaj staroncy ŭ Facebook — potym hetyja zapisy stali knihaj. A z 16 maja kniha stanie śpiektaklem.
«Andruś Horvat — naš daŭni siabar jašče z času jaho pracy ŭ teatry. Paśla adjezdu ŭ Prudok jon napisaŭ knihu. Ideju pastavić śpiektakl my abmiarkoŭvajem užo daŭno. Ja vielmi rady i ŭdziačny ŭsim, što zaraz takaja mahčymaść u nas źjaviłasia», — raspaviadaje režysior śpiektakla Raman Padalaka.
Naprykancy 2017 hoda Raman Padalaka padaŭ svoj prajekt «Radziva «Prudok» na konkurs režysiorskich eksplikacyj Ministerstva kultury Respubliki Biełaruś i staŭ adnym z šaści łaŭreataŭ, jakija atrymali hrant na pastanoŭku.
Hienieralnym partnioram śpiektakla vystupiła kampanija velcom, jakaja tradycyjna nadaje vialikuju ŭvahu prajektam, pryśviečanym padtrymcy biełaruskaj movy, litaratury i nacyjanalnaj samaidentyfikacyi.
U 2017 hodzie «Radziva «Prudok» atrymała premiju «Debiut» imia Maksima Bahdanoviča i ŭvajšła ŭ šort-list premii imia Ježy Hiedrojca. Kniha Andrusia Horvata stała sapraŭdnym bestsieleram sučasnaj biełaruskaj litaratury. Tyraž u 1000 asobnikaŭ byŭ raspradadzieny ŭ Kupałaŭskim teatry za ličanyja hadziny.
«Dumaju, kali i možna kazać ab niejkim fienomienie papularnaści majoj knihi, heta toje, što jana dapamahła tym, chto zabyŭ, uspomnić, a tym, chto nie zdahadvaŭsia, — zrazumieć, jak važna viedać i lubić miesca na hetaj ziamli, adkul ty vyjšaŭ, i nie saromiecca lubić jaho. Va ŭsialakim vypadku, heta važna dla mianie, i tamu mienavita tak mnie chaciełasia b ličyć. I kali praź śpiektakl hetaja ideja znojdzie jašče adnu ściežačku ŭ dumki i sercy hledačoŭ, ja budu tolki rady», — adznačyŭ Andruś Horvat.
«Radziva «Prudok» pačynaje novaje žyćcio ŭ formie śpiektakla, a ŭpadabanyja čytačami vobrazy prudkoŭcaŭ uvasobiać najlepšyja akciory Nacyjanalnaha akademičnaha teatra imia Janki Kupały Śviatłana Anikiej, Michaił Zuj i Źmicier Jesianievič.
Śpiektakl budzie pastaŭleny na Kamiernaj scenie teatra, jakaja źjaŭlajecca placoŭkaj dla realizacyi ekśpierymientalnych prajektaŭ maładych režysioraŭ. Asobny siurpryz padrychtavany dla ŭsich prudkoŭcaŭ: historyja, hierojami jakoj jany stali, pryjedzie da ich u viosku sa śpiecyjalnym pakazam śpiektakla «Radziva «Prudok».
Kvitki na pastanoŭku źjaviacca ŭ prodažy naprykancy sakavika, nabyć ich možna budzie ŭ kasach teatra abo anłajn. Daviedacca bolš ab pakazie i sačyć za navinami prajekta možna na sajtach velcom.by i kupalauski.by.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Kamientary