Sud Bresckaha rajona abviaściŭ pryhavor u dačynieńni da dvuch bieraściejcaŭ i hramadzianina Pakistana, abvinavačanych u arhanizacyi niezakonnaj mihracyi, paviedamlaje BiełTA.
Žychary abłasnoha centra 1982 i 1990 hadoŭ naradžeńnia sumiesna z pakistancam 1996 hoda naradžeńnia prapanavali trom jaho suajčyńnikam-studentam akazać dapamohu ŭ pierasiačeńni miažy z Ukrainaj dla nastupnaj pajezdki ŭ Jeŭrasajuz. Svaje pasłuhi jany acanili ŭ $4,5 tysiačy.
Pa sadziejničańnie jany źviarnulisia da žychara pryhraničnaj vioski. Viaskoviec na słovach zhadziŭsia, adnak nie źbiraŭsia dapamahać złačyncam. Jak tolki zamiežniki byli dastaŭleny ŭ pamiežnuju zonu, jon adrazu ž paviedamiŭ ab hetym pamiežnikam. Złamyśnikaŭ zatrymali.
U dačynieńni da ich była zaviedzienaja kryminalnaja sprava pa č.2 art.371-1 (arhanizacyja niezakonnaj mihracyi) KK. U sudzie Bresckaha rajona adbyłosia abviaščeńnie prysudu. Tak, najstarejšamu fihurantu pryznačana pakarańnie ŭ vyhladzie 3 hadoŭ i 3 miesiacaŭ pazbaŭleńnia voli z kanfiskacyjaj majomaści. Druhi bieraściejec asudžany na 4 hady taksama z kanfiskacyjaj majomaści. Pakistaniec pakarany da troch hadoŭ kałonii ŭzmocnienaha režymu. Prysud nie ŭstupiŭ u zakonnuju siłu i moža być abskardžany i apratestavany.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary