Brytanskija śledčyja vyvučajuć mohiłki ŭ Sołśbiery, na jakim pachavana žonka byłoha aficera rasijskaj raźviedki Siarhieja Skrypala, imavierna, atručanaha niervova-paralityčnym rečyvam. Pra heta paviedamlaje Daily Express.
Pa dadzienych vydańnia, z mahiły zabrali roznyja pradmiety i žyvyja kvietki. Ekśpierty ličać, što špijon i jaho dačka Julija asabista pakinuli ich tam tydzień tamu.
Jak dadaje Daily Mail, Skrypal i jaho dačka naviedali mohiłki ŭsiaho za niekalki hadzin da taho, jak byli znojdzienyja biez prytomnaści. Zvyčajna mužčyna kuplaŭ štučnyja kvietki ŭ adnaho i taho ž pradaŭca, a ciapier na mahile lažaŭ žyvy bukiet. Śledstva ŭ suviazi z hetym praviaraje viersiju, što jon byŭ atručany i moh być pasłany špijonu dadomu. Da kvietak mahła prykładacca paštoŭka ad imia znajomaha z prośbaj adnieści ich na mohiłki.
Paviedamlajecca, što žonka Skrypala Ludmiła pamierła vosieńniu 2013-ha ad raku va ŭzroście 59 hadoŭ. Niepadalok ad jaje pachavany i prach syna Alaksandra, jaki pamior u lipieni 2017 hoda z-za chvaroby piečani. Daily Express piša, što ŭ niadzielu, 11 sakavika, mohiłki zakryli, a pareštki na budučym tydni mohuć być ekshumavanyja.
Taksama, pa dadzienych vydańnia, susiedzi Skrypala paviedamili śledčym, što bačyli, jak da jaho doma tydzień tamu padjazdžała mašyna dastaŭki. U hetaj suviazi ŭsiu poštu i pasyłki z pamiaškańnia nakiravali na ekśpiertyzu. Atručeńnie niervova-paralityčnym rečyvam va ŭłasnym domie ličycca adnoj z pryjarytetnych viersij.
U toj ža čas raniej paviedamlałasia, što ślady rečyva vyjavili ŭ restaranie Zizzi, dzie mužčyna z dačkoj abiedali.
Kamientary