U Aŭstralii stvaryli štučnuju kvietku sa składanym miechanizmam, i na jaje palacieli pčoły
Apošnija hady suśvietnaja papulacyja pčoł źmianšajecca vialikimi tempami. Jak miarkujuć navukoŭcy, heta źviazana z vykarystańniem fiermierami ŭsio bolšaj kolkaści roznych chimikataŭ dla apracoŭki paloŭ ad škodnych nasiakomych. Heta niepasredna ŭpłyvaje na skład niektaru dy pyłka raśliny. U Aŭstralii vyrašyli pryciahnuć uvahu da prablemy, stvaryŭšy štučnyja kvietki, jakija całkam kapirujuć svaje pryrodnyja anałahi.
Za raspracoŭku adkazvaje mastak Majkł Kendzi. Stvoranyja im kvietki majuć pa čatyry pialostki žoŭtaha koleru, jaki byŭ padabrany takim čynam, kab być maksimalna padobnym na koler kvietak rapsu.
U centry kožnaj štučnaj kvietki raźmiaščajecca trubka dla padačy niektaru, a vakoł ustalavanaja sistema padačy pyłka z tryma štučnymi tyčynkami. U skład štučnaha niektaru ŭvachodzić vada i cukar u praporcyjach, nabližanych da praporcyj u pryrodnaha niektaru. Z pyłkom ža paŭstali niekatoryja ciažkaści: raspracavać jaho štučny anałah pakul što nie atrymałasia, tamu dla svajho prajekta Majkł vykarystaŭ sapraŭdny pyłok, sabrany z vullaŭ pčoł.
Štučnyja kvietki pryjšlisia pčołam daspadoby.
Na videa bačna, jak pracuje sistema padačy pyłka i niektaru ŭ takoj kvietcy, a taksama toje, jak na heta reahujuć pčoły.
Kamientary