Centr biełaruskaj movy ŭ Homieli vymušany pisać svoj novy adras na trasiancy FOTAFAKT
Nie tak daŭno Centr biełaruskaj movy, stvorany ŭ Homieli aktyvistami Tavarystva biełaruskaj movy imia Franciška Skaryny, pierajechaŭ u novaje pamiaškańnie. Ciapier homielskija tebeemaŭcy abžyvajuć pakoj i zaklikajuć dapamahčy im u fizičnych pracach. Ale adras, zhadany na abviestkach supołki CBM u sacsietkach, ździviŭ mnohich biełaruskamoŭnych naviednikaŭ — vulica Trudavaja, 7a.
Kiraŭnica abłasnoj arhanizacyi TBM Alesia Aŭłasievič tłumačyć, što taki adras na abviestkach centra źjaviŭsia vymušana. Sprava ŭ tym, što ŭ Homieli, akramia vulicy Pracoŭnaja, jość jašče vulica Rabočaja, raźmieščanaja zusim u inšaj častcy horada. I na pieršuju abviestku, dzie było napisana «vulica Pracoŭnaja», mnohija pajechali mienavita na hetuju Rabočuju. Tamu ŭ TBM byli vymušanyja, kab paźbiehnuć błytaniny, pisać zvykłuju dla vucha homielcaŭ nazvu ŭ biełaruskim fanietyčnym afarmleńni: Trudavaja. Ciapier hamielčuki nie błytajucca.
U toj ža čas naviedniki supołak Centra biełaruskaj movy ŭ sacsietkach adznačajuć, što pavodle artykuła 17 zakona «Ab najmieńniach hieahrafičnych abjektaŭ» nazvy hieahrafičnym abjektam u našaj krainie dajucca na biełaruskaj movie, ź jakoj šlacham tranślitaracyi (a nie pierakładu) pieradajucca na inšuju dziaržaŭnuju movu — rasijskuju.
To bok, chutčej pa-rasijsku nazva hetaj vulicy musić hučać jak «Pracovnaja», čym pa-biełarusku jak «Trudavaja».
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary