Rasijskaja kampanija «Hrand Ekspres» padała arbitražny pazoŭ da Biełarusi ŭ Mižnarodny centr pa ŭrehulavańni inviestycyjnych sprečak (ICSID) u Vašynhtonie. Pra heta TUT.BY raspaviali infarmavanyja krynicy i paćvierdzili ŭ sudzie.
Pazoŭ byŭ zarehistravany 31 studzienia. Nieŭzabavie pavinna być stvorana sudziejskaja kalehija ICSID dla razhladu patrabavańniaŭ rasijskaj kampanii.
Infarmacyja adnosna sprečki zastajecca kanfidencyjnaj, paviedamili krynicy.
ICSID, zasnavany pad ehidaj Suśvietnaha banka, źjaŭlajecca asnoŭnym forumam dla ŭrehulavańnia mižnarodnych inviestycyjnych sprečak, jakija ŭźnikajuć u adpaviednaści ź mižnarodnym pravam.
Rašeńnie ICSID budzie abaviazkovym i abaviazkovym da vykanańnia.
Kampanija «Hrand Ekspres» vałodała 74% akcyj Asipovickaha vahonabudaŭničaha zavoda (AVZ). Astatniaja dola naležała Biełaruskaj čyhuncy (BČ). Partniory chacieli pabudavać zavod vytvorčaj mahutnaściu 2,5 tysiačy hruzavych vahonaŭ i 2 tysiač tank-kantejnieraŭ u hod. Byli pabudavany karpusy i zakuplena sučasnaje abstalavańnie. Pačaŭsia vypusk pradukcyi. Ale ŭ 2015 hodzie vytvorčaść praktyčna spyniłasia. Ułady Biełarusi ličyli, što ŭ hetym vinavaty rasijski akcyjanier. U «Hrand Ekspres» byli pretenzii da Biełaruskaj čyhunki i biełaruskaha ŭrada ŭ častcy vykanańnia ŭziatych abaviazacielstvaŭ pa zakupcy vahonaŭ.
U vyniku partniory pasvarylisia i pačali razvodny praces, jaho chod nie zadavoliŭ rasijskuju kampaniju. Sproby «Hrand Ekspres» dahrukacca da ŭładaŭ Biełarusi i viarnuć sabie častku aktyvaŭ nie prynieśli vyniku.
U sakaviku 2017 hoda AVZ byŭ pryznany bankrutam, i ŭ dačynieńni da jaho adkryta likvidacyjnaja vytvorčaść.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie26
Kamientary