1 lutaha ŭ Frankfurcie-na-Majnie (Niamieččyna) na 108-m hodzie žyćcia pamior viadomy navukoviec Barys Kit.
Pra śmierć Barysa Kita paviedamiła jahonaja žonka Tamara Kazievič.
Barysa Kita pachavajuć na pravasłaŭnych mohiłkach u niamieckim horadzie Visbadenie, dzie kala 30 hadoŭ tamu sam Barys Kit vykupiŭ učastak. Data pachavańnia pakul nieviadomaja.
Barys Kit naradziŭsia 6 krasavika 1910 hodu ŭ Sankt-Pieciarburhu ŭ siamji biełarusa. Paśla revalucyi vyjechaŭ na radzimu baćki ŭ viosku Aharodniki Karelickaha rajona, zakončyŭ Navahrudskuju biełaruskuju himnaziju, Vilenski ŭniviersitet. Pavodle adukacyi byŭ nastaŭnikam, pracavaŭ dyrektaram Vilenskaj i Navahradskaj biełaruskamoŭnych himnazij, nastaŭnickich sieminaryj u Pastavach i Maładziečnie.
U 1930-ja dvojčy aryštoŭvaŭsia polskimi ŭładami. U 1944 byŭ aryštavany nacysckim hiestapa i prysudžany da śmierci, ale jaho cudam uratavali dva jaho byłyja vučni.
Paśla vajny emihravaŭ u ZŠA.
U ZŠA jon pracavaŭ na kaśmičnaje ahienctva NASA, raspracoŭvaŭ paliva dla rakietnych ruchavikoŭ.
Na piensiju Kit pierajechaŭ z ZŠA ŭ Niamieččynu, u Frankfurt-na-Majnie, kab być bližejšym da Baćkaŭščyny. Kolkim ludziam jon dapamoh!
Čytajcie taksama:
«Jašče žyvu!»: Barysu Kitu spoŭniłasia 107 hadoŭ
Try aryšty, nastaŭnictva, astranaŭtyka: uspaminy Barysa Kita
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary