Bieśpiłotnaje latajučaje taksi ad Airbus zrabiła pieršy probny palot
Pratatyp Airbus Vahana prajšoŭ pieršaje poŭnamaštabnaje vyprabavańnie, jakoje doŭžyłasia krychu mienš za chvilinu. U hety čas latajučy aparat kiravaŭsia całkam samastojna i padniaŭsia na vyšyniu 5 mietraŭ, pieradaje The Verge.
Płanujecca, što «latajučaje taksi» budzie pieravozić ludziej i tavary ŭ abjezd probak i ździajśniać karotkija pieraloty pamiž niekalkimi pasadkavymi placoŭkami ŭ miežach adnaho horada. Nastupnym etapam vyprabavańniaŭ Vahana stanie pierachod ad prostaha viertykalnaha padjomu da sapraŭdnych piłatujemych palotaŭ pamiž dvuma addalenymi punktami.
Airbus zajaviła, što choča stvaryć park aŭtanomnych multyrotarnych elektryčnych bieśpiłotnikaŭ VTOL, jakija zmohuć pieralatać z dachu na dach u haradach sa ščylnaj zabudovaj. Prajekt byŭ zapuščany ŭ pačatku 2016 hoda, z tych časoŭ kampanija rehularna paviedamlaje pra svaje dasiahnieńni.
Kampanija płanuje raspracavać rynkavuju viersiju mašyny da 2020 hoda. Pamiery pratatypa składajuć 6,2 mietra ŭ šyryniu, 5,7 mietra ŭ daŭžyniu, 2,8 mietra ŭ vyšyniu, a jaho vaha — 745 kh.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej22
Kamientary