U Biełarusi projduć «Zimovyja biehavyja hulni» ŭ dapamohu dzieciam-invalidam
U Biełarusi z 9 pa 11 lutaha projduć «Zimovyja biehavyja hulni» — maštabnyja prabiežki (u krasoŭkach, na kańkach, na łyžach i navat trenažorach) u dapamohu dzieciam ź invalidnaściu. Kožny kiłamietr, pieraadoleny na vulicy abo ŭ pamiaškańni, kampanija velcom pieraviadzie ŭ rubli i nakiruje ŭ dźvie maładziečanskija škoły-internaty. Zrabić svoj biehavy ŭniosak možna budzie jak u samoj krainie, tak i za jaje miežami.
U pieršaj zimovaj inicyjatyvie #velcombegom zmohuć paŭdzielničać biełarusy va ŭsim śviecie. Biehać u dapamohu dzieciam možna jak na vulicy, tak i doma abo ŭ spartzale na biehavoj darožcy. Sacyjalnaja akcyja zaklikanaja dapamahčy dzieciam ź invalidnaściu i padtrymać biełaruskich spartsmienaŭ na XXIII Zimovych Alimpijskich hulniach, jakija taksama startujuć 9 lutaha. Akramia taho, jana dazvolić stymulavać fizičnuju aktyŭnaść u chałodnyja miesiacy, što karysna dla zdaroŭja. Svaimi kiłamietrami mohuć dzialicca jak prafiesijnyja atlety, tak i amatary biehu.
Usie ŭdzielniki buduć umoŭna padzielenyja na dźvie kamandy. U pieršuju ŭvojduć tyja, chto biehaje na vulicy, u parku ci lesie, a taksama łyžniki i kańkabiežcy. Da druhoj kamandy dałučać usich, chto skoryć dystancyi na biehavych darožkach, elipsoidach i stepierach. Kožny kiłamietr biehuna z kamandy-piermožcy kampanija velcom pieraviadzie ŭ dva rubli, druhoj kamandy — u rubiel.
«Zimovyja biehavyja hulni» simvalična startujuć adnačasova z Alimpijadaj u Pchienčchanie. Dla ŭdziełu treba z 9 pa 11 lutaha prabiehčy lubym zručnym sposabam, paśla čaho sfatahrafavać vynik na ekranie trenažora ci zafiksavać jaho z dapamohaj fitnies-dadatka. Skrynšot dadatka abo zdymak ekrana trenažora z ukazańniem daty i kiłamietražu nieabchodna vykłaści ŭ sacyjalnyja sietki z cheštehami #velcombegom i #vzale (dla tych, chto biehaje ŭ pamiaškańniach) abo #velcombegom i #naulicie (dla tych, chto biehaje na vulicy). Uniosak kožnaha ŭdzielnika budzie uličany niezaležna ad taho, kolki i dzie jon prabieh.
«Zimovy biehavy prajekt takoha farmatu pravodzicca ŭpieršyniu. Kožny achvotny, niahledziačy na lutaŭskaje nadvorje, zmoža svaim bieham padtrymać našych spartsmienaŭ na Hulniach u Paŭdniovaj Karei i dapamahčy dzieciam ź invalidnaściu. Upieršyniu zrabić uniosak zmohuć i tyja, chto biehaje na łyžach i kańkach, — padkreśliŭ načalnik adździeła karparatyŭnych kamunikacyj velcom Viačasłaŭ Śmirnoŭ. — Sacyjalnaja inicyjatyva taksama zaklikana stymulavać i tych, chto zaraz zajmajecca ŭ spartzale na biehavych trenažorach, ale maryć ab paŭnavartasnym zabiehu. My chočam pakazać, što biehać karysna ŭ lubuju paru hoda».
Sabranyja na biehu srodki pojduć Maładziečanskaj śpiecyjalnaj ahulnaadukacyjnaj škole-internatu dla dziaciej z parušeńniami zroku i Maładziečanskaj sanatornaj škole-internatu dla dziaciej, chvorych na skalijoz. Hrošy płanujecca vydatkavać na pieraabstalavańnie stadyjona i ŭciahvańnie dziaciej ź invalidnaściu ŭ paralimpijski sport.
Kamientary