Sajt prajekta pa stvareńni sistemy markiroŭki harodniny Prodeum akazaŭsia vydalenym paśla vaśmi dzion ICO. Na heta źviarnuli ŭvahu karystalniki Twitter. Na staroncy prajekta nie zastałosia ničoha, akramia nadpisu penis, paviedamlaje Tut.by.
Prodeum abiacaŭ inviestaram raspracavać novuju sistemu markiroŭki harodniny i sadaviny, zasnavanuju na technałohii błokčejn, jakaja dazvoliła b pakupnikam adsočvać, adkul prybyŭ tavar i jakija dadatki vykarystoŭvalisia pry jaho vyroščvańni.
Kampanija pačała prodaž tokienaŭ 20 studzienia i pavinna była zaviaršyć ICO 13 sakavika 2018 hoda. Pa dadzienych TokenDesk, za vosiem dzion ICO prajekt pryciahnuŭ kala 6 miljonaŭ dalaraŭ.
28 i 29 studzienia karystalniki Twitter vyjavili, što z sajta Prodeum znikła ŭsia infarmacyja, a sama staronka ŭjaŭlaje saboj pustoje pole sa słovam penis u vierchnim kucie.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary