Praca fiederalnych viedamstvaŭ ZŠA prypynienaja, tamu što demakratam i respublikancam u Kanhresie nie ŭdałosia ŭzhadnić ich biudžet da siaredziny lutaha, paviedamlaje BBC.
Adpaviedny zakonaprajekt paśpiachova prajšoŭ Pałatu pradstaŭnikoŭ, adnak byŭ adchileny Sienatam.
Praca dziaržustanoŭ spyniłasia apoŭnačy 20 studzienia pa paŭnočnaamierykanskim ŭschodnim časie (vosiem ranicy pa Minsku) i nie adnovicca da taho času, pakul dvum partyjam nie ŭdasca dasiahnuć kampramisu.
«Vyhladaje niadobra dla našych vialikich abarony i biaśpieki na vielmi niebiaśpiečnaj Paŭdniovaj miažy», - napisaŭ prezident ZŠA Donald Tramp ŭ siabie ŭ tvitery.
Zakryćcio ŭrada ci «šatdaun» aznačaje spynieńnie pracy ŭsich dziaržustanoŭ, akramia ekstrannych słužb: nacyjanalnaj biaśpieki, pošty, kantrolu za pavietranaj prastoraj, miedycynskich stacyjanaraŭ, chutkaj dapamohi, dapamohi pry stychijnych biedstvach, turmaŭ i elektraenierhietyki.
Uzhadnieńnie biudžetu ŭpierłasia ŭ patrabavańnie Demakratyčnaj partyi abaranić ad departacyj 700 tysiač nielehalnych imihrantaŭ, jakija apynulisia na terytoryi ZŠA.
Kamientary