Knižnaja Šafa praciahvaje svaje paetyčnyja impravizacyi! Čarhovyja «Vieršy ŭ Šafie» adbuducca 20 śniežnia a 19-j hadzinie pry lubym nadvorji.
«…ia čytaŭ jaho knihi i zaraz pazyku viarnu
i voś hetuju ryfmu pakinu jamu na papiercy
ja kuplu ŭ bukinista hadzinu paryskaha snu
a na bolej nia chopić ni hrošaj, ni času, ni serca…»
Vyryvajem kavałačak ź vierša Andreja Chadanoviča nievypadkova. Bo mienavita hety enierhičny pałymiany paet stanie hałoŭnaj dziejučaj asobaj nastupnych «Vieršaŭ u Šafie». Što značyć, vy zmožacie nie tolki złavić kajf ad žyvoha paetyčnaha słova, ale i parazmaŭlać z tvorcam va ŭtulnym miescy. I jak bonus — nabyć jaho knihu «Ciahnik Čykaha-Tokijo» dy atrymać aŭtohraf. Nastojliva raim: nie škadujcie ni svajho snu, ni času, ni serca (pra hrošy kazać nie vypadaje, bo ŭvachod volny)! Prychodźcie i adčujcie šał paezii, ciepłyniu ŭśmiešak i mahiju atmaśfiery.
Jašče svaju vieršavanuju tvorčaść zhadzilisia pradstavić aŭtary, jakija pakul nieviadomyja šyrokaj aŭdytoryi. Cudoŭny šaniec paznajomicca bližej z maładoj biełaruskaj paezijaj i pasprabavać na smak radki Niny Listoty i Cimura Bujko.
Čakajem! Uvachod volny!
Knižna-vystavačnaja prastora «Knižnaja šafa», pr. Dziaržynskaha, 9 (uvachod sa dvara).
Teł.:+375 (17) 234-48-64
Vel.: +375 (29) 645-20-55
Siabry, kali vy jedziecie da nas na aŭto, telefanujcie — my z radaściu padymiem dla vas šłahbaum i pavitajem u Šafie.
Ciapier čytajuć
Stali viadomyja padrabiaznaści pra trahiedyju ŭ Połackim manastyry13
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary