Nacyjanalny interaktyŭny konkurs u farmacie realici-šou #Paskareńnie nabraŭ abaroty: bolš za 150 prajektaŭ užo padadziena, a pryzavy fond pavialičyŭsia ŭ 2,5 razy: z 4 000 da 10 000 tysiač rubloŭ.
Pa 2 000 rubloŭ atrymajuć prajekty, jakija vyjhrali ŭ hałasavańni žury i internet-hałasavańni. Pry hetym u adnaho vybitnaha prajekta jość šaniec atrymać usie 4000 rubloŭ, kali jon zavajuje simpatyi i žury, i internet-karystalnikaŭ.
Jašče 6 000 rubloŭ atrymaje prajekt, jaki voźmie Hran-pry konkursu.
Hran-pry sfarmavany za košt srodkaŭ miecenataŭ, jakija na stałaj asnovie padtrymlivajuć prajekty płatformy Talaka. Dapamoha prajektam dla hetych ludziej — žyćciovaja pazicyja. Jana źjaŭlajecca zaklikam dla sapraŭdnych i budučych udzielnikaŭ konkursaŭ: hienieruj idei, stvaraj prajekty i zaŭsiody znojducca ludzi, jakija ciabie padtrymajuć! Ludzi, dla jakich važna padtrymać mienavita vas i meta jakich — palepšyć śviet vakoł.
Vysokaja cikavaść da ŭdziełu ŭ konkursie prymusiła arhanizataraŭ pierahledzieć terminy pryjomu zajavak i padoŭžyć pryjom da 23.59 20 śniežnia 2017 hoda. Zastałosia 3 dni, kab padać prajektnuju zajaŭku na staroncy konkursu #Paskareńnie i atrymać šaniec vyjhrać 10 000 rubloŭ pryzavoha fondu.
#Paskareńnie — konkurs biełaruskich prajektaŭ u samym šyrokim značeńni: ad sacyjalnych i haradskich da pradprymalnickich i technałahičnych. Pieramožcaŭ čakaje pryzavy fond i śpiecyjalnyja padarunki ad partnioraŭ konkursu. U naminacyi velcom «Kamfort» udzielnikaŭ čakaje sučasny smartfon z padłučanym adnajmiennym taryfnym płanam. Kryteram acenki budzie ŭvaha stvaralnikaŭ prajektaŭ da kamfortnych pieramienaŭ u žyćci biełarusaŭ, jak heta robiać taryfy liniejki «Kamfort». Kampanija Gurtam padoryć pieramožcu naminacyi «Prajekt budučyni» modny i karysny hadžet — smart-hadzińnik.
Ciapier čytajuć
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika44
Kamientary