Stała viadoma, jakuju patencyjnuju ździełku abmiarkoŭvajuć ZŠA i Iran
Pavodle krynic vydańnia Axios, ZŠA i Iran abmiarkoŭvajuć patencyjnuju ździełku, u centry jakoj — častkovaja razmarozka iranskich aktyvaŭ ŭzamien na abmiežavańnie jadziernaj prahramy Irana. Pakul pamiž bakami isnuje šmat roznahałośsiaŭ, ale jany mohuć zblizić pazicyi padčas pieramoŭ u pakistanskim Isłamabadzie, zapłanavanych na niadzielu 19 krasavika.
Asnoŭnaja ideja zaklučajecca ŭ tym, što Iran moža atrymać dostup da prykładna 20 miljardaŭ dalaraŭ zamarožanych srodkaŭ u abmien na šerah krokaŭ u jadziernaj śfiery. U pryvatnaści, havorka idzie pra vyvaz abo pierapracoŭku iranskaha ŭzbahačanaha ŭranu i ŭviadzieńnie maratoryja na jaho dalejšaje ŭzbahačeńnie.
Pavodle krynic Axios, ZŠA spačatku prapanoŭvali značna mienšuju sumu — kala 6 miljardaŭ dalaraŭ, ale z žorstkimi abmiežavańniami na vykarystańnie hrošaj tolki na humanitarnyja tavary. Iran u adkaz prasiŭ značna bolš — kala 27 miljardaŭ, i ŭ vyniku abmiarkoŭvajecca kampramis kala 20 miljardaŭ.
Asobnym sprečnym pytańniem zastajecca los uzbahačanaha ŭranu (450 kh, uzbahačanaha da 60%). ZŠA patrabujuć jaho poŭnaha vyvazu z krainy, u toj čas jak Iran prapanuje pakinuć jaho ŭ siabie, ale pierapracavać, razbavić abo źmiašać ź inšymi vidami ŭranu.
Taksama razhladajucca kampramisnyja varyjanty, kali častka materyjału zastaniecca ŭ Iranie, a častka budzie pieradadziena treciaj krainie.
Jašče adzin važny punkt — zabarona na ŭzbahačeńnie ŭranu na peŭny termin. ZŠA chočuć, kab heta było kala 20 hadoŭ, a Iran prapanuje značna karaciejšy pieryjad — kala 5 hadoŭ.
Akramia hetaha, abmiarkoŭvajecca, što Iran zmoža zachavać niekatoryja jadziernyja abjekty dla mirnych metaŭ, ale jany pavinny być raźmieščanyja całkam na pavierchni, biez padziemnaj infrastruktury.
Pakul nie zrazumieła, jak u ździełku mohuć być uklučanyja pytańni rakietnaj prahramy Irana i jaho rehijanalnych sajuźnikaŭ.
Paśla źjaŭleńnia hetych paviedamleńniaŭ Donald Tramp zajaviŭ, što nijakich hrošaj Iranu pieradavacca nie budzie, chacia analityki ličać, što biez častkovaj razmarozki aktyvaŭ realnaja damova vyhladaje małavierahodnaj.
Łukašenka: Tramp pakazaŭ usiamu śvietu i sapraŭdnaje abličča ZŠA, i abmiežavanaść mahčymaściaŭ ZŠA
Iran na 10 dzion adkryŭ Armuzski praliŭ dla ŭsich sudnaŭ. Ceny na naftu palacieli ŭniz
Kiraŭnik Pientahona pracytavaŭ zamiest Biblii ŭryvak z «Kryminalnaha čytva»
Tramp zajaviŭ, što Iran pahadziŭsia pieradać ZŠA ŭzbahačany ŭran
Tramp: My zasiarodžanyja na Iranie
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary
Nazvav eto 10 -oj, ostanovlennoj vojnoj. Eto - osnovnoje usłovije Irana po prodołžieniju obsuždienija, vozmožnoj razbłokirovki Iranom Ormuza.
Prieviernuv vsio s noh na hołovu.
Izrail provodił vojennuju oppieraciju na tierritorii Livana protiv chiezboły, vojevał s chiezbołoj, finansirujemoj i vooružionnoj Iranom, no nie s Livanom i livanskoj armijej !
Tramp zamaskirovał ustupki Iranu, nazvav vojennuju oppieraciju Izraila, na tierritorii Livana, protiv chiezbołły Irana - "vojnoj" Livana i Izraila.