U Indyi znajšli nibyta dynazaŭra, jaki jašče navat nie paśpieŭ raskłaścisia VIDEA
Škilet padobnaj na dynazaŭra istoty, na kaściach jakoj jašče zachavałasia płoć, vyjavili ŭ indyjskim horadzie Džaspur, piša The Mirror.
Trup žyvioły znajšoŭ elektryk, jaki vykonvaŭ pracy na zakinutaj padstancyi. Istotu adpravili na ekśpiertyzu, jakaja, siarod inšaha, pavinna ŭstalavać i jaje ŭzrost.
Pa słovach ekśpiertaŭ, choć žyvioła i nahadvaje maleńkaha dvuchnohaha dynazaŭra z padatrada terapod, taki vid vymier kala 65 miljonaŭ hadoŭ tamu.
«Dynazaŭry, jakija nie ŭmieli lotać, vymierli kala 65 miljonaŭ hadoŭ tamu, ale znojdzienaja istota sapraŭdy nahadvaje kahości z terapodaŭ — padatrada dynazaŭraŭ, u jaki ŭvachodzili dvuchnohija drapiežniki, — skazaŭ doktar paleantałahičnych navuk z Delfijskaha ŭniviersiteta Aaran Kumar. — Ale škilet dynazaŭra nie moh być znojdzieny ŭ takim dobrym stanie, nie skamianiełym praź miljony hadoŭ».
Śpiecyjalist dadaŭ, što navukoŭcam taksama treba budzie vyśvietlić, jak škilet apynuŭsia na miascovaj elektrapadstancyi.
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś6
Kamientary