U knizie «Pramoŭlenaja historyja. XX st. u pamiaci žycharoŭ biełaruskaj vioski» (aŭtar — Volha Ivanova, navukovy redaktar — Aleś Smalančuk) pradstaŭleny vynik šaścihadovaj pracy daśledčykaŭ Biełaruskaha archiva vusnaj historyi. Heta adna ź pieršych sprobaŭ pradstavić historyju Biełarusi XX st. praz pryzmu vusnych uspaminaŭ. U joj asabistaść padziej, trahičnaść losaŭ i indyvidualnaść acenak vychodziać na pieršy płan, a histaryčnyja padziei źjaŭlajucca kantekstam.
Kniha składajecca ź dźviuch častak. Pieršaja ŭtrymlivaje 16 aŭtabijahrafičnych uspaminaŭ, pieradadzienych na movie maŭleńnia z zachavańniem struktury apoviedu. Naratyvy reprezientujuć najbolš typovyja kanfihuracyi pamiaci i vusnahistaryčnyja siužety. Robicca ich analiz z dapamohaj mietadaŭ sacyjałohii, antrapałohii, linhvistyki, sacyjalnaj historyi i inš. dyscyplin.
U druhoj častcy knihi pradstaŭlenaja navukovaja rekanstrukcyja kalektyŭnaj pamiaci pra šerah padziej XX st.: stalinskija represii, Chałakost, isnavańnie saviecka-polskaj miažy, kalektyvizacyju, Čarnobylskuju katastrofu dy inš. Bolšaść surazmoŭcaŭ naradziłasia ŭ 1920-ja hh., tamu ŭspaminy dazvalajuć pahladzieć na historyju XX st. skroź pryzmu indyvidualnych žyćciovych historyj.
Kniha budujecca na ŭspaminach, što zachoŭvajucca ŭ Biełaruskim archivie vusnaj historyi. Heta apoviedy ŭradžencaŭ i žycharoŭ biełaruskaj vioski Siarhieja Janoŭskaha, Nadziei Kavalec, Aleny Novik, Hieorhija Sapuna, Ulany Mielnik, Hanny Cevan, Siarhieja Vituški i jašče bolš čym sta asob. Z asobnymi hierojami hetaj knihi možna paznajomicca ŭžo zaraz praź nievialikija apoviedy, pavučańni, maralnyja zapaviety, aniekdoty ci štodzionnyja žyćciovyja historyi.
Budziem ščyra ŭdziačnyja za padtrymku prajekta na kraŭdfandynhavaj placoŭcy «Tałaka».
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada41
Kamientary