Hurt (i partyzanski atrad) «Krambambula» pradstaviŭ zdymki ŭznaharod, jakija možna budzie atrymać ad muzykaŭ 21 śniežnia ŭ Prime Hall padčas śviatočnaha kancertu «Partyzany kaladnaha lesu». Naminavać siabie ci blizkaha čałavieka na orden ci miedal moža kožny biełarus.
Ahułam pradstaŭlena piać uznaharod: «Orden Zialonaha duba», «Orden Dzieda Tałaša», «Orden Mikołki Paravoza», miedal «Za Kaladny nastroj», miedal «Za našu i vašu svabodu». Z 2015 hoda «Krambambula» žyvie ŭ lesie. Naturalna, što tam brakuje žaleza, tamu ŭznaharody vyrableny z dreva.
— Ideja ŭ tym, kab uznaharodzić ludziej pa vynikach hoda za niejkija prostyja čałaviečyja dasiahnieńni na asabistym, siamiejnym ci pracoŭnym uzroŭni. Za toje, pra što nie napišuć u ŚMI, — kamientuje kamandzir atradu Lavon Volski, jaki taksama źjaŭlajecca dyzajnieram uznaharod.
Kab naminavać siabie ci kaho inšaha na ŭznaharodu «Krambambuli», dastatkova apublikavać partretnaje fota kandydata ŭ sacsietkach (Facebook, VK, Instagram, Twitter) i razam ź im pierakanaŭčuju historyju dasiahnieńniaŭ u hetym hodzie, abaviazkova dadaŭšy chešteh #krambambula2112, kab možna było adsačyć i sabrać usich naminantaŭ.
Apošni dzień vysoŭvańnia kandydataŭ — 17 śniežnia. Piać pieramožcaŭ vyznačać udzielniki hurta. Kožny atrymaje pa dva zaprašalniki na kancert i budzie ŭračysta ŭhanaravany pieršymi ordenami i miedalami ad hurta «Krambambula» na scenie.
21 śniežnia ŭ miežach prahramy «Partyzany kaladnaha lesu» hledačoŭ čakajuć najlepšyja pieśni «Krambambuli», kanceptualnaje sceničnaje šou i kiłatony navahodniaha nastroju. Kvitki možna nabyć na sajcie i ŭ kasach Kvitki.by, a taksama na sajcie Primehall.by i ŭ kasach kłuba. Košt kvitkoŭ: tancplac — 40 rub., siadziačyja — ad 42 rub. Jość varyjanty dla hrupavych zamovaŭ. Infalinija: +375 (33) 661-14-32.
Ciapier čytajuć
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty3
Kamientary