U pieršym tury rehijanalnych vybaraŭ u Asambleju Korsiki 4 śniežnia pieramahła kaalicyja «Za Korsiku», jakaja abjadnoŭvaje prychilnikaŭ jak bolšaj aŭtanomii vyspy ad macierykovaj Francyi, tak i poŭnaj jaje niezaležnaści ad Paryža, piša Radyjo Svaboda.
Zhodna z papiarednimi vynikami, aljans «Za Korsiku» — jaki stvarajuć partyja aŭtanamistaŭ «Stvorym Korsiku» i partyja niezaležnikaŭ «Volnaja Korsika» — atrymaŭ 45,36% hałasoŭ. Druhoje miesca z 15% hałasoŭ zaniali pravyja, jakija chočuć bačyć Korsiku ŭ jakaści francuskaha rehijona.
«Pytańnie niezaležnaści siońnia nie staić na paradku dnia. My chočam aŭtanomnaha statusu», — skazaŭ paśla pieršaha tura kiraŭnik «Stvorym Korsiku» Žyl Simieoni.
Kiraŭnik «Volnaj Korsiki» Žan-Hi Talamoni, jaki maje mianušku «Karsikanski Pučdemon», zajaviŭ, što niezaležnaść Korsiki ad Francyi — pytańnie «10—15 bližejšych hadoŭ».
Korsika ŭ składzie Francyi maje status «terytaryjalnaj supolnaści» (collectivité territoriale), nadzielenaj peŭnymi prykmietami aŭtanomnaści, jakich nie majuć inšyja rehijony krainy. U Asamblei Korsiki zasiadaje 51 deputat. Deputataŭ vybirajuć na šeść hadoŭ pavodle praparcyjnaj vybarčaj sistemy. Kali niejki vybarčy śpis nabiraje absalutnuju bolšaść hałasoŭ, vybary zakančvajucca na pieršym tury. Druhi tur pravodzicca, kali nivodnaja palityčnaja siła nie nabiraje 50% hałasoŭ. U druhim tury pra padzieł miescaŭ u Asamblei vyrašaje zvyčajnaja bolšaść hałasoŭ.
Druhi tur rehijanalnych vybaraŭ na Korsicy projdzie 10 śniežnia.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?1
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary