Kali b vybary adbylisia siońnia, Pucin nabraŭ by 67% hałasoŭ. Usie apanienty Uładzimira Pucina razam nabrali b 25% hałasoŭ, jašče 8% nie vyznačylisia, za kaho hałasavać.
Taki vynik dało sacyjałahičnaje apytańnie, praviedzienaje kampanijaj «Romir», ekskluziŭnym pradstaŭnikom Gallup International u Rasii i SND.
Druhoje miesca pa papularnaści paśla Pucina zajmaje Uładzimir Žyrynoŭski, daŭni sparynh-partnior prezidentaŭ Rasii i staršynia psieŭdaapazicyjnaj Libieralna-demakratyčnaj partyi. U jaho 8% hałasoŭ.
Na trecim miescy — inšy sparynh-partnior i kiraŭnik inšaj psieŭdaapazicyjnaj, Kamunistyčnaj partyi, Hienadzij Ziuhanaŭ z 7%.
Antykarupcyjny błohier Alaksiej Navalny maje padtrymku 3% vybarcaŭ. Jašče 2% hatovyja hałasavać za libierała Ryhora Jaŭlinskaha. Stolki sama dekłarujuć padtrymku Ksienii Sabčak, ale jana ž maje i najbolšy niehatyŭny rejtynh spasiarod usich kandydataŭ — 64%. U Navalnaha antyrejtynh składaje 33%, pa im jon na druhim miescy.
Vybary ŭ Rasii adbuducca 18 sakavika 2018 hoda.
Kamientary