Na ŭzroŭni MZS Biełarusi byli dadzienyja niejkija abiacańni pra vialikija kroki demakratyzacyi, kali budzie pryznanaja pałata pradstaŭnikoŭ. Sychodziačy z hetych abiacańniaŭ, zachodnija dyplamaty tak uparta i pichajuć apazycyju na vybary. Pryčym nie tłumačačy, jakija tam damoŭlenaści.
Bajkotu vybaraŭ u pałatu pradstaŭnikoŭ čaćviortaha sklikańnia z boku abjadnanych demakratyčnych siłaŭ nia budzie. Heta vynikaje z rašeńniaŭ, jakija pryniali ŭ niadzielu ŭdzielniki pasiedžańnia Palitrady i kandydataŭ u deputaty ad adzinaha śpisu Abjadnanych demakratyčnych siłaŭ. Takim čynam, achvotnyja praciahnuć baraćbu za deputackaje kresła, mohuć nie vychodzić z vybarčaj kampanii.
Kamentuje Viktar Ivaškievič, namieśnik staršyni Partyi BNF: «Heta było źviazana z tym, što častka kandydataŭ pahruzilisia ŭ vybarčuju kampaniju. Ich arhumentacyja była – my ŭciahnuli ludziej ŭ bojku, a zaraz kali my admovimsia ad hetaha, to ciažka nam budzie rastłumačyć lohiku.
Hetyja ludzi biespartyjnyja padtrymlivali vybarčuju kampaniju mienavita spadziejučysia, chaj sabie i naiŭna, što hety režym možna pieramahčy na hetych vybarach. Heta tyčycca Kobryna, Słonima, Horadni.
Asablivaść ŭ paraŭnańni ź minułymi vybarami, što značnaja častka pradstaŭnikoŭ roznych fondaŭ i hramadzkich arhanizacyj, dypmisij Zachadu čamuści nastojliva patrabujuć, kab pradstaŭniki Abjadnanych demakratyčnych siłaŭ išli na vybary da kanca
I jość jašče kandydaty, jakim ŭpłyvam roznych partneraŭ ŭ nastojlivaj formie raili iści na hetyja vybary. U tym liku i ŭsialakija dyplamatyčnyja rabotniki roznych krainaŭ Eŭropy i ZŠA nastojliva rekamendavali iści.
Ja dumaju, što heta źviazana z tym, što na cieniavym niejkim uzroŭni, na ŭzroŭni MZS Biełarusi byli dadzienyja niejkija abiacańni pra vialikija kroki demakratyzacyi, kali budzie pryznanaja pałata pradstaŭnikoŭ.
Sychodziačy z hetych abiacańniaŭ napeŭna zachodnija dyplamaty tak uparta i pichajuć apazycyju na vybary. Pryčym nie tłumačačy, jakija tam damoŭlenaści. Skažam tak, chočuć vykarystać u ciomnuju.Ja suprać takich pavodzinaŭ. Ale jość ludzi, dla jakich mierkavańnie mižnarodnych strukturaŭ jość vyrašalnym».
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary