Zbornaja Šviejcaryi vyjšła na čempijanat śvietu pa futbole. Šviejcarcy pa sumie dźviuch hulniaŭ vyjhrali ŭ Paŭnočnaj Irłandyi (1:0 u haściach, 0:0 siońnia doma).
Šviejcarcy vyjšli na čempijanat śvietu čaćvierty raz zapar, try hady tamu ŭ Brazilii jany ŭ hrupavym turniry zaniali 2-je miesca śledam za Francyjaj i abyšoŭšy Ekvador i Handuras, a ŭ 1/8 finału prajhrali ŭ dadatkovy čas Arhiencinie 0:1.
U nastupny raŭnd taksama prajšła Charvatyja, što pa sumie dźviuch matčaŭ prajšła Hrecyju. U Afinach kamandy zhulali 0:0, a ŭ čaćvier u Zahrabie charvaty pierakanaŭča pieramahli 4:1.
Na čempijanacie śvietu charvaty debiutavali ŭ 1998 h. i adrazu zavajavali bronzu. A na minułym čempijanacie nie zdoleli vyjści z hrupy, finašavaŭ śledam za Brazilijaj i Mieksikaj.
U paniadziełak hulajuć Italija — Šviecyja (pieršy matč 0:1), u aŭtorak: Danija — Irłandyja (0:0).
Na čempijanat śvietu pa futbole vyjšli 28 zbornych:
Rasija (haspadynia), Anhlija, Bielhija, Hiermanija, Isłandyja, Ispanija, Partuhalija, Polšča, Sierbija, Francyja, Charvatyja, Šviejcaryja; Kosta-Ryka, Mieksika, Panama; Arhiencina, Brazilija, Kałumbija, Uruhvaj; Jehipiet, Maroka, Nihieryja, Sieniehał, Tunis; Iran, Paŭdniovaja Kareja, Saŭdaŭskaja Aravija, Japonija.
Taksama ŭ stykavych matčach hulajuć: Aŭstralija — Handuras i Pieru — Novaja Ziełandyja.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary