31 kastryčnika 2017. Pačatak u 19-00
Biełaruskaja dziaržaŭnaja fiłarmonija. Vialikaja kancertnaja zała.
U supracoŭnictvie ź Instytutam imia HIOTE ŭ Minsku
Da 500-hodździa REFARMACYI
Da 500-hodździa BIEŁARUSKAJ BIBLII i KNIHADRUKAVAŃNIA
«Dzień Lutera»
Dziaržaŭny Kamierny Chor RB
mastacki kiraŭnik i dyryžor — zasł. art. Biełarusi Natalla MICHAJŁAVA
Simfaničny arkiestr «Capella Academia»
Ansambl salistaŭ «VYTOKI»
aŭtar prajekta i dyryžor — łaŭreat mižnarodnych konkursaŭ Alaksiej FRAŁOŬ
Salisty: łaŭreaty mižnarodnych konkursaŭ
Natalla AKININA (meca-saprana)
Illa SILČUKOŬ (baryton)
Juryj HABRUŚ (arhan)
U prahramie: «REFARMACKAJA SIMFONIJA» F. Miendelsona-Bartoldzi (Premjera ŭ Biełarusi); «HUSICKAJA UVIERTURA» A. Dvoržaka, charały epochi Reniesansa — M. Lutera, C. Bazylika, Ł. Buržua, M. Hamułki, Ja.P. Śvielinka; šedeŭry i Baroka i Ramantyzma — I.S. Bacha, I. Bramsa, Dz. Bukstechude, Ja. Hałłusa, H.F. Hiendela, O. Olsana;
suśvietnyja premjery archiŭnych znachodak: u t.ł. Frahmientaŭ ź LUBČANSKAHA KANCYJANAŁA (XVI— XVII st.).
Unikalnaja kancertnaja prahrama budzie pradstaŭlena ŭ hałoŭnaj kancertnaj zale Biełarusi niepasredna ŭ Dzień słavutaj Daty — u 500-hodździe pačatku Luteraŭskaj, Niamieckaj i šyrokaj jeŭrapiejskaj Refarmacyi, kali vialiki bahasłoŭ i refarmatar Carkvy Marcin Luter raspačaŭ svoj čyn, abviaścišy svaje słavutyja 95 Tezisaŭ. Heta fienamienalnaja data dla Hiermanii cudoŭnym čynam sinchronna dacie Biełarusi — 500-hodździu biełaruskaj Biblii Skaryny i ajčynnaha knihadruku.
Z hetaj nahody vydatny charavy kalektyŭ — Dziaržaŭny Kamierny chor Biełarusi (mast.kir. i dyryžor zasł. art. Biełarusi Natalla Michajłava) abjadnaje namahańni ź Simfaničnym arkiestram «Capella Academia», jaki abjadnoŭvaje lepšych maładych vykanaŭcaŭ ź viadučych muzyčnych kalektyvaŭ Biełarusi. U prahramie voźmuć udzieł lepšyja salisty-instrumientalisty ŭ składzie Ansambla «VYTOKI» i zorki biełaruskaj opiery: Natalla Akinina (meca-saprana) i Illa Silčukoŭ (baryton). Aŭtar prajekta i dyryžor — łaŭreat mižnarodnych konkursaŭ Alaksiej Frałoŭ.
Muzykanty padorać minskaj publicy muzyčnyja šedeŭry XVI — XIX st., mnohija ź jakich prahučać u Biełarusi ŭpieršyniu. Tak, premjerami buduć archiŭnyja frahmienty «LUBČANSKAHA KANCYJANAŁA» (biełaruskaha drukavanaha sšytka XVI— XVII st., adzin z samych rańnich notadrukaŭ na ŭschodzie Jeŭropy). Šedeŭry Ramantyzma — «HUSICKAJA UVIERTURA» Antanina DVORŽAKA i «REFARMACKAJA SIMFONIJA» Fieliksa MIENDELSONA-BARTOLDZI — taksama PREM'JERY ŭ BIEŁARUSI! Akramia taho kancert upryhožać charały epochi Reniesansa — M. Lutera, C. Bazylika, Ł. Buržua, M. Hamułki, Ja.P. Śvielinka; šedeŭry i Baroka i Ramantyzma — I.S. Bacha, I. Bramsa, Dz. Bukstechude, Ja. Hałłusa, H.F. Hiendela, O. Olsana.
Padčas antraktu ŭ fajie Fiłarmonii publika zmoža pabačyć kopiju taho drukarskaha stanka, jaki užyvali i Luter i Skaryna ŭ svajoj aśvietnickaj dziejnaści. Vystava Sajuza mastakoŭ tut pradstavić cudoŭnyja tematyčnyja žyvapisyja i hrafičnyja raboty na temu 500-hodździa, a piersanažy ŭ reniesansnych strojach dapoŭniać adčuvańnie poŭnaha pieraniasieńnia ŭ Załaty Viek, jak nazvali XVI st. historyki.
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty7
Kamientary