Dniami kryminalnaja sprava była raspačataja ŭ dačynieńni da 27-hadovaha niepracujučaha žychara Vałožynskaha rajona Minskaj vobłaści, u jakoha ŭ staličnym mietro byŭ kanfiskavany patron, paviedamili ŭ HUUS Minharvykankama.
19 žniŭnia 2017 hoda ŭ 21.30 na stancyi mietro «Uručča» byŭ zatrymany hramadzianin, u jakoha ŭ chodzie nadhladu ručnoj pakłažy znojdzieny i kanfiskavany patron kalibra 7,62ch54mm.
U vyniku ekśpiertyzy było ŭstanoŭlena, što vintovačny patron 7,62ch54R vyrableny zavadskim sposabam, snaradžany kulaj sa śvincovym stryžniem i źjaŭlajecca bojeprypasam da ručnoj strałkovaj naraznoj ahniastrelnaj zbroi, a taksama prydatny dla stralby.
U dačynieńni da chłopca była raspačataja kryminalnaja sprava pa č. 2 art. 295 KK RB («Niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ»). Adkaznaść za ich dastatkova surovaja: da 12 hadoŭ pazbaŭleńnia svabody z kanfiskacyjaj majomaści albo biez kanfiskacyi.
Pravaachoŭniki nahadvajuć, što asoba, jakaja dobraachvotna zdała zbroju i bojeprypasy, jakija zachoŭvajucca niezakonna, orhanam unutranych spraŭ, ad kryminalnaj adkaznaści vyzvalajecca, akramia vypadkaŭ zbytu.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna3
Kamientary