Śledčy kamitet adnaviŭ rasśledavańnie spravy Arcioma Baściuka, jaki zahinuŭ u Barysavie za paŭhoda da Koržyča
Hetuju infarmacyju Radyjo Svaboda paviedamiła maci zahinułaha sałdata Taćciana. Ab adnaŭleńni spravy advakatu siamji Baściukoŭ paviedamili ŭ SK.
«Śledčy kamitet adnaviŭ rasśledavańnie spravy ab śmierci syna. Nam ab hetym tolki što paviedamiŭ advakat», — raskazała Svabodzie maci Arcioma Baściuka Taćciana.
Arciom Baściuk byŭ znojdzieny paviešanym na terytoryi vajskovaj častki ŭ Barysavie 31 sakavika. Pa fakcie jaho śmierci Śledčy kamitet zavioŭ kryminalnuju spravu. Rodnyja Baściuka nastojvali na tym, što ź jaho ździekavalisia ŭ častcy inšyja vajskoŭcy. Pry hetym jany nazyvali kankretnyja proźviščy. U mai siamja Baściukoŭ była na pryjomie ŭ ministra abarony, jon abiacaŭ rodnym zahinuŭšaha sałdata razabracca ŭ sytuacyi. 12 kastryčnika, praz šeść miesiacaŭ raśśledavańnia i praz 9 dzion paśla śmierci Alaksandra Koržyča, Śledčy kamitet paviedamiŭ ab zakryćci spravy Baściuka. Jaho rodnyja źbiralisia abskardžvać hetaje rašeńnie, adnak usiaho praz čatyry dni stała viadoma, što pastanova ab zakryćci spravy Arcioma Baściuka admienienaja.
Kamientary