U centry Minska zapracavaŭ pieršy muziej-fabryka jołačnych cacak
10 vieraśnia ŭ handlovym centry «Galleria Minsk» adkryŭsia pieršy ŭ Biełarusi muziej-fabryka navahodnich upryhožvańniaŭ.
500 mietraŭ artefaktaŭ z usiaho śvietu i tysiačy redkaściaŭ, siarod jakich: šary ŭ vyhladzie šedeŭraŭ Fabierže, draŭlanyja statuetki z Konha, dziciačy kaladny haradok i inšyja ŭnikalnyja ekspanaty.
Arhanizatary adkryli ŭ ścienach muzieja filijał sapraŭdnaj fabryki pa vytvorčaści navahodnich cacak, dzie ŭsie achvotnyja mohuć nie tolki padhladzieć techniki vytvorčaści, ale i raśpisać svoj šklany šar.
Upryhažeńni na jołku — samyja papularnyja cacki ŭ śviecie, mastactvu vyrabu jakich užo bolš za 500 hadoŭ. Stvaralnik muzieja Andrej Biahun abjechaŭ paŭśvietu, kab sabrać u Minsku artefakty, jakija kalekcyjaniery aceńvajuć u 800 tysiač dalaraŭ.
— Niekatoryja pryvoziać na pamiać z vandrovak mahniciki, a ja — jołačnyja cacki. Ja byŭ u 52 krainach śvietu, naviedvaŭ błyšynyja rynki i antykvarnyja kramy, i ciapier u kalekcyi niekalki tysiač ekspanataŭ, jakija pakazany tut. Heta, darečy, samaja vialikaja kalekcyja ŭ Biełarusi i, mahčyma, u śviecie, — kaža Andrej Biahun, arhanizatar muzieja jołačnych cacak.
Majstar-kłasy pa rośpisie šaroŭ buduć prachodzić u muziei-fabrycy kožny dzień, pad kiraŭnictvam prafiesijnych dyzajnieraŭ i mastakoŭ, jakija robiać usio ŭpryhažeńni ŭručnuju.
Na ŭvachodzie budzie pracavać krama fabryki «Hraj», jakaja adzinaja ŭ Biełarusi zaŭmajecca vypuskam jołačnych upryhožvańniaŭ, tut možna nabyć padarunak na dzień naradžeńnia, navahodnija śviaty abo zamović karparatyŭnyja ŭpryhažeńni.
Bližej da Novaha hoda arhanizatary paabiacali šmat majstar-kłasaŭ i śpiecyjalnych akcyj, ale kab nichto nie čakaŭ śniežnia, užo ciapier razam z uvachodnymi kvitkami naviedvalniki atrymajuć rubiel, jaki možna vydatkavać na kaladnym bazary.
Muziej budzie pracavać na praciahu troch miesiacaŭ, z 10 kastryčnika da 15 studzienia 2018. Košt kvitka: ad 5 da 7 rubloŭ. Dla dziaciej da troch hadoŭ — biaspłatna. Majstar-kłas pa rośpisie jołačnaha šara pad kiraŭnictvam mastaka fabryki — 8 rubloŭ (zroblenyja cacki možna zabrać z saboj).
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj1
Kamientary