Minčanka ceły hod zdymała kožny dzień svajho žyćcia VIDEA
365 dzion, 13 chvilin, dziasiatki haradoŭ, siarod jakich hałoŭny hieroj — Minsk. Teściroŭščyca Asia Kraviec zmantavała sapraŭdny sieryjał pra svajo i naša z vami žyćcio.
Asia pracuje QA-inžynieram, błoh u internecie viadzie bolš za 10 hadoŭ, ale ŭ niejki momant vyrašyła nie tolki pisać, ale i pasprabavać novuju formu — videa.
Pačynała ź fiksacyi na kamieru svaich vandrovak: kity kala Kiejp-Kod, Vybarh… Hod tamu, u vieraśni, pryjšła da papularnaha siarod niekatorych błohieraŭ žanru «seconds of».
Moža padacca, što raskazvać pra kožny svoj dzień za dźvie siekundy — heta vielmi prosta. Ale Asia pasprabavała i śćviardžaje advarotnaje: «Z adnaho boku, treba pastajanna trymać kamieru napahatovie (choć i zabyvaješ časta), z druhoha — vučycca zaŭvažać pryhažość, vyłučać niešta z ruciny, zasiarodžvacca, asensoŭvać».
Asia kaža, što spačatku joj davałasia heta składana, ale paśla vočy i mozh natreniravalisia. Jana ličyć, što zrabić dzień dobrym mohuć navat takija drobiazi jak «katok pad kustom, pieršyja kvietki, novaja paštoŭka, pryhožy zachad, cikavaja kniha, siabar, jakoha daŭno nie bačyła…».
Aproč Minska, u videa Asi jość krajavidy Vilni, Varšavy, Adesy, Ryhi, Barysava, Manaka, Osła, Kijeva, Kapienhahiena…
Ci budzie Asia i dalej praciahvać zdymać takija roliki? Pakul što dakładna adkazać nie moža. Ale zakidvać jutub-kanał u lubym vypadku nie źbirajecca.
Paralelna dziaŭčyna zachaplajecca malavańniem i aktyŭna zasvojvaje novyja techniki. Voś tolki niekatoryja pracy dziaŭčyny.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary