Minharvykankam zarehistravaŭ ofis budučaha «pieršaha biełaruskamoŭnaha ŭniviersiteta» na čale z Aleham Trusavym
Minskija ŭłady zarehistravali jurydyčny adras budučaha biełaruskamoŭnaha ŭniviersiteta «Albarutenija». Ofis raźmiaščajecca ŭ Partyzanskim rajonie stalicy na vulicy Ščarbakova, 32.
Dniami tudy pačnuć zavozić meblu i paviesiać adpaviednuju šyldu, piša Radyjo Svaboda.
Funkcyi rektara «Albarutenii» vykonvaje staršynia TBM Aleh Trusaŭ.
Pa słovach sp. Trusava aryjentacyja budzie na kłasičny ŭniviersitet. Asnoŭnyja fakultety buduć humanitarnaha kirunku. Taksama nie vyklučany fakultet «IT-technałohij dy śpiecyjalizacyi miedycynskaj skiravanaści — kštałtu psichałohii i psichaterapii.
«Spačatku źbirajemsia pracavać ź nievialikaj kolkaściu studentaŭ. To bok, jak atrymajem dazvoł na adukacyjnuju dziejnaść, pačniom z mahistratury. Na pieršym etapie treba padrychtavać mahistraŭ, kab u pierśpiektyvie jany stali vykładčykami našaha ŭniviersiteta», — miarkuje sp. Trusaŭ
Płanujecca nabrać ad 200 da 300 čałaviek.
«Pakolki ŭniviersitet pryvatny, naturalna, usie studenty za navučańnie buduć płacić — jak i va ŭsich padobnych ustanovach. I ja liču, što heta dobra: adrazu adsiejvajucca ŭsie chalaŭščyki. Značyć, pastupleńnie na ahulnych asnovach, ale nie zabyvacca pra kamiercyjny składnik. Sistema apłaty pryblizna jak u EHU — ź sistemaj źnižak, prefierencyj i h.d».
Kiraŭnik TBM dadaŭ, što ŭ arhkamitecie niamała byłych vykładčykaŭ EHU — navat z kiraŭnictva ŭniviersiteta, što razyšlisia z Anatolem Michajłavym. «Pracavać ź imi — adno zadavalnieńnie», — reziumavaŭ sp. Trusaŭ.
Apytanka
Ciapier čytajuć
Łatuška pieramoh usich na vybarach u Kaardynacyjnuju radu13
Łatuška pieramoh usich na vybarach u Kaardynacyjnuju radu
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary