Da 27 vieraśnia na scenie Liceja BDU možna budzie pahladzieć 20 śpiektaklaŭ roznych žanraŭ z 9 krain śvietu: ad Bałharyi da Filipin, ad Šeskpira da Bahasłaŭskaha, prafiesijnyja i amatarskija, vierbalnyja i płastyčnyja…
Bolšuju častku prahramy, jak zaŭsiody, składuć samyja krutyja ajčynnyja prajekty, udzielnikaŭ jakich u hetym hodzie cikavić Bułhakaŭ i Miejerchold, hienijalnaść i žorstkaść.
Košt kvitkoŭ simvaličny: usiaho 5 rubloŭ.
Pradstaŭlajem vam padborku najcikaviejšych pastanovak, jakija prosta nielha prapuścić.
Luboŭ ludziej i luboŭ da ludziej
Śpiektakl: «Kachańnie ludziej»
Chto: Teatr «Na bałkonie» (Minsk, Biełaruś)
Kali: 21 vieraśnia ŭ 21:00
Dzie: Licej BDU
Złačynstva biez pakarańnia, śmierć u imia ščaścia, amaralnaść dziela narmalnaści — śpiektakl ujaŭlaje saboj kalejdaskop z žyćcia ludziej, jakija žyvuć u čakańni cudu. Tvorčy tandem režysiora Dźmitryja Ciško, vučnia mastackaha kiraŭnika Kupałaŭskaha teatra Mikałaja Pinihina, i najstarejšaha studenckaha kalektyvu Biełarusi, teatra «Na bałkonie», źjaŭlajecca premjernaj pastanoŭkaj pa pjesie adnaho z samych zapatrabavanych maładych biełaruskich dramaturhaŭ Dźmitryja Bahasłaŭskaha.
«Try …», abo Novaje pračytańnie čechaŭskaj pjesy
Śpiektakl: «Try …»
Chto: Teatr «Madern» (Maskva, Rasija)
Kali: 23 vieraśnia ŭ 21:00
Dzie: Licej BDU
Na hety śpiektakl varta pryjści ŭsim amataram Antona Paŭłaviča. Avanhardnaja pastanoŭka ad Maskoŭskaha dramatyčnaha teatra «Madern» (dypłomny śpiektakl majsterni Viery Hłaholevaj i Aleha Famina), dzie kłasičny siužet źmieščany ŭ daloka nie kłasičnyja ramki. Apaviadańnie budzie vieścisia praz pryzmu žanočych uspaminaŭ i razvažańniaŭ.
Filipinski «Edyp» u najlepšych tradycyjach Paŭdniova-Uschodniaj Azii
Śpiektakl: «Edyp»
Chto: Teatr «DULAANGFILIPINO» (Maniła, Filipiny)
Kali 24 vieraśnia ŭ 21:00
Dzie: Licej BDU
Staraja tema pra hałoŭnaje: ideja praroctva i losu nie hublaje aktualnaści i pa siońniašni dzień. Pastanoŭka pryjdziecca daspadoby amataram fiłasofii, psichałohii i, viadoma ž, antyčnaj kultury. U asnovu lahli try fivanskija pjesy, zapraŭlenyja ŭschodnimi matyvami, vydatnaj scenahrafijaj i virtuoznaj hulnioj sa śviatłom.
Śviet emocyj na movie tanca
Śpiektakl: «Ja chaču być z taboj»
Chto: Tomaš Bazan i Teatralny prajekt «MAAT» (Lublin, Polšča)
Kali: 27 vieraśnia ŭ 19:30
Dzie: Licej BDU
Ci jość miaža čałaviečym mahčymaściam? Jak dakranucca da adlustravańnia ŭ lusterku? Haściavy prajekt prafiesijnaha aŭtara i vykanaŭcy z Polščy Tomaša Bazana pa-novamu adkryvaje śviet cialesny i śviet duchoŭny. Karpatlivaja daśledčaja praca na praciahu 10 hadoŭ žyćcia stała vynikam ekstraardynarnaha pierformansu na scenie. Heta treba ŭbačyć, kab pieraviarnuć svoj śvietapohlad.
Monaśpiektakl pra samy trahičny vobraz žančyny
Śpiektakl: «Miedeja. Adrynutaja»
Chto: Teatr «ORZU ARTS» (Łondan, Vialikabrytanija)
Kali: 27 vieraśnia a 18:00
Dzie: Licej BDU
Eŭrypid, Sieneka i Chajner Miuler — nievierahodny simbijoz antyčnaha mifa i sučasnaha žyćcia ŭvasobiŭsia ŭ pastanoŭcy haściavoha prafiesijnaha teatra «ORZU ARTS» ź Vialikabrytanii. Režysior stvaryŭ vobraz žančyny, jakaja spaznała asałodu kachańnia i pahibielnaje začaravańnie pačućciami. Hałoŭnaja tema: Jaje luboŭ da Jaho i Jaho nieluboŭ da Jaje. Asudžanuju kachać taho, chto nie lubić, syhraje talenavitaja aktrysa sa Šviejcaryi. Hety multynacyjanalny prajekt užo paśpieŭ zavajavać pryznańnie i luboŭ jak krytykaŭ, tak i hledačoŭ, i idzie ŭ Łondanie pry niaźmiennych anšłahach.
Ciapier čytajuć
U minskim mietro prachodziać vyprabavańni novyja ciahniki FOTY1
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary