Navukoŭcy dakazali, što tatuiroŭki mohuć vyklikać roznyja zachvorvańni
U materyjale, apublikavanym u časopisie Scientific Reports, francuzskija fiziki-jadzierščyki śćviardžajuć, što nanačaścicy, jakija źmiaščajucca ŭ čarnile dla tatuirovak, mohuć pranikać sa skury ŭ limfatyčnyja vuzły i raspaŭsiudžvacca pa ŭsim arhaniźmie.
«Kali čałaviek choča zrabić tatuiroŭku, jon zvyčajna vielmi ŭvažliva padychodziać da vybaru tatu-sałona. Da prykładu, ich rabotniki pavinny vykarystoŭvać sterylnyja ihołki dla nabivańnia kožnaha malunka. Ź inšaha boku, nichto nikoli nie praviaraje chimičny skład čarniła, ale našaje daśledavańnie pakazvaje, što heta varta rabić», — raspaviadaje Chiram Kaściła (Hiram Castillo) ź Jeŭrapiejskaha sinchratronnaha centra ŭ Hrenobli (Francyja).
Jak raspaviadajuć navukoŭcy, tatuiroŭki zacikavili ich paśla taho, jak adzin z aŭtaraŭ artykuła aznajomiŭsia ca składam roznaha čarniła, jakoje zvyčajna vykarystoŭvajecca dla nabivańnia malunkaŭ na ciele, i vyjaviŭ, što jano ŭtrymlivaje ŭ sabie čaścicy aksidu tytanu i inšych patencyjna taksičnych rečyvaŭ.
Malekuły dvuchvokisu tytanu, jak niadaŭna vyśvietlili miedyki, mohuć vyklikać zapaleńni i inšyja niepryjemnyja efiekty pry kantakcie sa skuraj, što prymusiła navukoŭcaŭ, vykarystoŭvajučy paskaralniki ID21 i ID16B, prasačyć za tym, jak hetyja malekuły padarožničajuć pa arhaniźmie.
Navukoŭcy vyrazali z tatuirovak čatyroch paddoślednych ludziej nievialikija kavałački skury i praśviacili ich pry dapamozie renthiena, takim čynam pravieryŭšy, ci prasočvajecca čarniła z tatuiroŭki ŭhłyb skury.
Akazałasia, što heta sapraŭdy adbyvajecca, i što dvuchvokis tytanu i inšyja kampanienty farby prasočvalisia z tatuiroŭki ŭ bolš hłybokija płasty skury, nazapašvajučysia ŭ limfatyčnych vuzłach.
Padobnym čynam pavodzili siabie tolki nievialikija čaścicy pihmientaŭ, čyje pamiery nie pieravyšali niekalkich dziasiatkaŭ nanamietraŭ. Bujniejšyja ž frahmienty farbaŭ zastavalisia ŭnutry malunkaŭ.
Traplańnie nanačaścic u limfatyčnuju sistemu, jak pakazali nastupnyja ekśpierymienty, nie prajšło biasśledna dla arhanizmaŭ dobraachvotnikaŭ: ich limfatyčnyja vuzły pašyrylisia, a kletki i sama skura pačali vydzialać asablivy nabor malekuł, jaki spryjaje raźvićciu zapaleńnia i nazapašvańnia chimična ahresiŭnych malekuł, zdolnych razburać DNK.
Usio heta pakazvaje na toje, što tatuiroŭki mohuć być patencyjna niebiaśpiečnymi dla zdaroŭja čałavieka.
Jak adznačajuć navukoŭcy, toje, što padobnyja ekśpierymienty nie pravodzilisia raniej, źviazana z etyčnymi mierkavańniami. Tatuiroŭki źjaŭlajucca svojeasablivym kapryzam, a nie miedycynskaj praceduraj, nieabchodnaj dla vyratavańnia čałavieka, i tamu roznyja dziaržaŭnyja orhany nie dazvalali navukoŭcam nanosić ich na cieła paddoślednych žyvioł z metaj vyvučyć mahčymyja kancerahiennyja i taksičnyja ŭłaścivaści tatuirovak. Ciapier, jak ličać daśledčyki, takaja nieabchodnaść źjaviłasia, i padobnyja ekśpierymienty buduć uchvalenyja ŭładami.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary