Mahutny ŭrahan «Irma» nasoŭvajecca na Fłarydu, miascovyja ŭłady ŭžo zahadali evakujavacca 5,6 miljonam žycharoŭ — heta kala čverci ŭsiaho nasielnictva štata. U noč na subotu mahutnaść urahanu dasiahnuła maksimalnaj piataj katehoryi, paviedamlaje VVS.
Čakajecca, što «Irma» — adzin z samych mocnych urahanaŭ u Atłantycy za apošniaje stahodździe — abryniecca na Fłarydu ŭ niadzielu ranicaj, pryniosšy z saboj razbureńni i zatapleńnie.
U ciapierašni čas urahan nabliziŭsia da paŭnočnaj častki Kuby, vyklikaŭšy mocnyja liŭni i viecier chutkaściu kala 250 km/h. Pavodle danych Rejter, kala 50 tysiač turystaŭ pakinuli vostraŭ z-za nabližeńnia ŭrahanu.
U niekatorych rajonach Kuby adklučanaja elektryčnaść, jość pieraboi z suviaźziu, adnak sinoptyki spadziajucca, što ŭrahan projdzie tolki pa datyčnaj, dazvoliŭšy paźbiehnuć značnych razbureńniaŭ na vostravie.
Maštabnaja evakuacyja žycharoŭ Fłarydy pa patrabavańni ŭładaŭ uskładniajecca z-za zatoraŭ na darohach i deficytu paliva na zapraŭkach.
Pakinuć svaje damy zahadana žycharam poŭdnia štata, a taksama ŭładalnikam niedastatkova mocnych damoŭ.
«U nas zakančvajecca čas. Kali vy znachodziciesia ŭ zonie evakuacyi, vam treba źjazdžać. Heta katastrafičny štorm, ničoha padobnaha naš štat jašče nie bačyŭ», — zajaviŭ hubiernatar štata Ryk Skot.
Raniej prezident ZŠA Donald Tramp u svaim tvitary zaklikaŭ usich, na kaho nasoŭvajecca ŭrahan, prysłuchoŭvacca da ŭkazańniaŭ miascovych uładaŭ. Jon taksama nazvaŭ «Irmu» štormam z «razburalnym patencyjałam histaryčnych maštabaŭ».
Pavodle apošnich danych, urahan zabraŭ žyćci pa mienšaj miery 21 čałavieka.
Mižnarodny kamitet Čyrvonaha Kryža raniej paviedamiŭ, što ŭžo bolš za miljon žycharoŭ astravoŭ Karybskaha basiejna paciarpieli ad «Irmy» i jašče 26 miljonaŭ zastajucca pad pahrozaj.
Urahan razburyŭ amal usie budynki na Barbudzie i pakinuŭ biez elektryčnaści žycharoŭ Puerta-Ryka, a taksama prynios značnyja razbureńnia na Brytanskija Virhinskija astravy, astravy Sien-Marten, Sien-Bartelemi i Sent-Kits i Nevis.
Ciapier čytajuć
Biełarusy dzielacca, jak rehistrujuć svaich katoŭ. Voś jak adbyvajecca pracedura2
Biełarusy dzielacca, jak rehistrujuć svaich katoŭ. Voś jak adbyvajecca pracedura
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4747
Kamientary