Bujny rasijski anłajn-kinateatr Amediateka ciapier dastupny dla abanientaŭ voka. Z 4 vieraśnia adnajmienny raździeł źjaviŭsia ŭ dadatku razumnaha telebačańnia. U im biełarusam dastupnyja takija kultavyja sieryjały, jak «Hulnia tronaŭ», «Amierykanskaja historyja žachaŭ», «Kartačny domik» «Saprana» i inšyja.
Ciapier rejtynhavyja zamiežnyja filmy i sieryjały ŭ Full HD možna ŭbačyć u dzień premjery, adnačasova z usim śvietam. Havorka idzie pra chity viadučych telekanałaŭ i studyj śvietu: Fox, Showtime, Starz, BBC, Sony Pictures i h.d. Anłajn-kinateatr taksama vałodaje ekskluziŭnymi pravami na pakaz sieryjałaŭ i filmaŭ studyi HBO (u lipieni 2017 hoda premijalnyja servisy Amedia TV atrymali brendynh HOME OF HBO i ŭvajšli ŭ mižnarodnuju siamju HBO). Technałahičnaje supravadžeńnie servisa voka i intehracyju ŭ jaho «Amiedyjateki» dla abanientaŭ velcom ažyćciaŭlaje kampanija SPB TV.
Abanienty voka mohuć karystacca katałoham «Amiedyjateki» biaspłatna na praciahu pieršaha tydnia. U nastupnym košt padpiski składzie 0,45 rubla za sutki — za hetuju sumu abanient atrymaje dostup da ŭsiaho kantentu pakietu Amediateka. Padklučycca da voka mohuć abanienty ŭsich apierataraŭ suviazi, pryčym dla hetaha padydzie lubaja fiksavanaja albo biespravadnaja sietka. Kali karystacca dadatkam praz 3G-sietku velcom, to trafik nie taryfikujecca.
Unikalnaść raździełu zaklučajecca jašče i ŭ tym, što hladzieć sieryjały možna jak na ruskaj, tak i na movie aryhinału — z subtytrami ci biez. Anłajn-kinateatr dastupny na smartfonie i kampjutary, a taksama na televizary praz prystaŭki Google Chromecast abo Apple TV.
Voka ŭklučaje kala 60 telekanałaŭ, try kinazały i biblijateku filmaŭ. Hledačam dastupnyja takija interaktyŭnyja funkcyi jak paŭza, archiŭ telepieradač i «pieramotka» efiru. Akramia hetaha, u dadatku realizavany šerah inšych karysnych funkcyj: rekamiendacyi videa na padstavie prahledžanaha raniej, mahčymaść zavodzić niekalki profilaŭ i ŭstaloŭvać na ich abmiežavańni pa kantencie (baćkoŭski kantrol), zdolnaść płatformy «zapaminać» miesca, dzie vy prypynili prahlad i mnohaje inšaje.
«Supracoŭnictva velcom i «Amiedyjateki» adkryvaje šyrokija mahčymaści pa raźvićci rynku zabaŭlalnaha kantentu ŭ Biełarusi. Ciapier hledačy mohuć hladzieć papularnyja sieryjały i filmy ŭ dzień premjery, pryčym lehalna i ŭ vysokaj jakaści. Heta daje karystalnikam bolšy vybar, ekanomić čas i spraščaje atrymańnie dostupu da novych epizodaŭ», — padkreśliŭ namieśnik hienieralnaha dyrektara velcom Anton Bładzik.
«My rady pačatku supracoŭnictva z velcom i pašyreńniu mahčymaściaŭ dla hledačoŭ «Amiedyjateki» ŭ Biełarusi. Upeŭnienyja, što naš ekskluziŭny sieryjalny kantent budzie zapatrabavany siarod abanientaŭ apieratara», — kamientuje hienieralny dyrektar Amedia TV Dzianis Harškoŭ.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary