Kitajski restaran prapanoŭvaŭ žančynam źnižku za vialikija hrudzi
Žychary kitajskaha horada Chančžoŭ paskardzilisia miascovym uładam na restaran, jaki prapanoŭvaŭ žančynam źnižku ŭ zaležnaści ad pamieru ich hrudziej, piša VVS.
Pavodle paviedamleńnia vydańnia Qianjiang Evening Post, niezadavolenaść žycharoŭ stalicy prymorskaj pravincyi Čžeczian vyklikała rekłama restarana «Modnaja krevietka» ŭ adnym z handlovych centraŭ.
Na postarach kampanii z nadpisam «Uvieś horad šukaje HRUDZI» byli namalavanyja multyplikacyjnyja hieraini ŭ spodniaj bialiźnie. U rekłamie paviedamlałasia pra źnižki, pamier jakich zaležaŭ ad pamieru hrudziej žančyn — čym bujniejšy biust, tym bolšaja źnižka.
U adnoj sa skarhaŭ, jakija pastupili ŭ adras miascovych uładaŭ, havaryłasia, što rekłama zanadta vulharnaja i dyskryminuje žančyn.
Rekłamny postar pieršapačatkova źjaviŭsia 1 žniŭnia, adnak paśla byŭ źniaty. Adnak kiraŭnik restarana «Modnaja krevietka» Łań Šanhan nie bačyć ničoha zahannaha ŭ kamiercyjnaj stratehii restarana. «Paśla pačatku rekłamnaj kampanii kolkaść klijentaŭ pavialičyłasia na 20%. Niekatoryja dziaŭčyny, jakija prychodzili da nas, vielmi hanarylisia saboj. Im nie było čaho chavać», — skazaŭ jon.
Jon taksama raspavioŭ, što klijentki mahli źviartacca pa atrymańnie źnižki da aficyjantak, kab nie abmiarkoŭvać hetaje pytańnie z kim-niebudź z mužčyn, jakija pracujuć u restaranie.
Heta nie pieršy vypadak, kali kitajski restaran prapanuje źnižku, jakaja zaležyć ad źniešniaha vyhladu naviedvalnikaŭ. U studzieni 2015 hoda restaran u pravincyi Chenań davaŭ źnižki haściam, jakich supracoŭniki ličyli pryvabnymi. A za miesiac da hetaha kafe ŭ horadzie Čuncyn pasprabavała pryciahnuć źnižeńniem koštaŭ poŭnych mužčyn i strojnych žančyn.
Ciapier čytajuć
Byłoha biełaruskaha palitviaźnia sudziać u Litvie za padrychtoŭku da zabojstva praciŭnikaŭ Kramla. Pahražaje až da pažyćciovaha10
Kamientary