Жыхары кітайскага горада Ханчжоў паскардзіліся мясцовым уладам на рэстаран, які прапаноўваў жанчынам зніжку ў залежнасці ад памеру іх грудзей, піша ВВС.
Паводле паведамлення выдання Qianjiang Evening Post, незадаволенасць жыхароў сталіцы прыморскай правінцыі Чжэцзян выклікала рэклама рэстарана «Модная крэветка» ў адным з гандлёвых цэнтраў.
На постарах кампаніі з надпісам «Увесь горад шукае ГРУДЗІ» былі намаляваныя мультыплікацыйныя гераіні ў сподняй бялізне. У рэкламе паведамлялася пра зніжкі, памер якіх залежаў ад памеру грудзей жанчын — чым буйнейшы бюст, тым большая зніжка.
У адной са скаргаў, якія паступілі ў адрас мясцовых уладаў, гаварылася, што рэклама занадта вульгарная і дыскрымінуе жанчын.
Рэкламны постар першапачаткова з'явіўся 1 жніўня, аднак пасля быў зняты. Аднак кіраўнік рэстарана «Модная крэветка» Лань Шанган не бачыць нічога заганнага ў камерцыйнай стратэгіі рэстарана. «Пасля пачатку рэкламнай кампаніі колькасць кліентаў павялічылася на 20%. Некаторыя дзяўчыны, якія прыходзілі да нас, вельмі ганарыліся сабой. Ім не было чаго хаваць», — сказаў ён.
Ён таксама распавёў, што кліенткі маглі звяртацца па атрыманне зніжкі да афіцыянтак, каб не абмяркоўваць гэтае пытанне з кім-небудзь з мужчын, якія працуюць у рэстаране.
Гэта не першы выпадак, калі кітайскі рэстаран прапануе зніжку, якая залежыць ад знешняга выгляду наведвальнікаў. У студзені 2015 года рэстаран у правінцыі Хэнань даваў зніжкі гасцям, якіх супрацоўнікі лічылі прывабнымі. А за месяц да гэтага кафэ ў горадзе Чунцын паспрабавала прыцягнуць зніжэннем коштаў поўных мужчын і стройных жанчын.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары