Jeŭrasajuz nie budzie zabaraniać recept pryhatavańnia nacyjanalnaha honaru bielhijcaŭ — bulby fry, paviedamili RIAN u pres-słužbie Jeŭrakamisii.
Bielhijski aryhinalny recept pryhatavańnia bulby fry akazaŭsia pad pahrozaj zabarony praz płany vykanaŭčaj kalehii Jeŭrasajuza ŭnieści ŭ śpis taksičnych rečyvaŭ akryłamid — kancerahiennaje rečyva, jakoje ŭtvarajecca ŭ pryhatavanaj na hryli, smažanaj abo zapiečanaj ježy.
«Źnižeńnie ŭzroŭniu akryłamidu, pra što damovilisia ŭ sieradu krainy-členy ES, nie praduhledžvaje patrabavańnie papiaredniaj błanšyroŭki bulby, što źmianiła b bielhijski recept jaje pryhatavańnia», — skazaŭ surazmoŭca ahienctva.
Ministr pa turyźmie bielhijskaj Fłandryi Ben Viejts raniej zajaviŭ, što Jeŭropa stavić pad pahrozu bielhijskuju kulturu padrychtoŭki «fryt» (nazva bulby fry ŭ Bielhii).
Bielhijcy śćviardžajuć, što suśvietna viadomy harnir, jaki stali nazyvać «francuzskaj bulbaj» z padačy brytanskich sałdat, jakija pakaštavali jaho ŭ Bielhii padčas Pieršaj suśvietnaj vajny, upieršyniu padali da stała mienavita ŭ Fłandryi — niderłandskamoŭnym rehijonie na poŭnačy karaleŭstva. Adbyłosia heta jašče ŭ XVI stahodździ.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva11
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary