Brat prezidenta Irana Chasana Ruchani aryštavany pa padazreńni ŭ karupcyi. Prychilniki kiraŭnika dziaržavy bačać u hetym sprobu kansiervatyŭnych sił dyskredytavać prezidenta.
Brat prezidenta Irana Chasana Ruchani Chusiejn Fierejdun aryštavany pa padazreńni ŭ finansavych złačynstvach, paviedamlaje ŭ niadzielu, 16 lipienia, ahienctva Reuters.
Fierejduna vyklikali ŭ prakuraturu dla dačy pakazańniaŭ, a zatym aryštavali, zajaviŭ pradstaŭnik viedamstva, dadaŭšy, što ŭ vypadku ŭniasieńnia zakładu Fierejdun budzie vyzvaleny. Sumu zakładu i detali abvinavačvańnia jon ahučyć admoviŭsia.
Jak paviedamlaje ahienctva AFP, brata prezidenta vinavacili ŭ atrymańni biespracentnych kredytaŭ, a taksama ŭ łabijavańni pry pryznačeńni dvuch dyrektaraŭ bankaŭ. Adzin ź ich paźniej byŭ abvinavačany słužbaj vyviedki Korpusa vartavych isłamskaj revalucyi va ŭdziele ŭ «vialikim karupcyjnym skandale», a druhoha zvolnili ŭ miežach šyrokamaštabnaha razboru pa faktach praźmiernych zarobkaŭ u dziaržaŭnych ustanovach.
Chusiejn Fierejdun u 2015 hodzie ŭvachodziŭ u skład delehacyi na mižnarodnych pieramovach ab iranskaj atamnaj prahramie. Jon zajmaje vysokapastaŭlenuju dypłamatyčnuju pasadu i źjaŭlajecca adnym z najbolš nabližanych daradcaŭ prezidenta krainy. Prychilniki Chasana Ruchani miarkujuć, što aryšt jaho brata pradyktavany palityčnymi matyvami, i bačać u im sprobu kansiervatyŭnych siłaŭ krainy dyskredytavać prezidenta.
Ciapier čytajuć
Pamiatajecie Daniłu z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ i z čaho ŭsio pačałosia
Kamientary