Jak paviedamili «Našaj Nivie» u Śledčym kamitecie, Kanstancinu Burykinu, viadomamu jak «baciuška sa svastykaj» vystaŭlena abvinavačańnie pa druhoj častcy 295 artykuła Kryminalnaha kodeksa Biełarusi — «niezakonnaje nabyćcio, zachoŭvańnie, pieravozka, vyrab ci našeńnie ahniastrelnaj zbroi», a taksama pa treciaj častcy taho ž artykuła: «dziejańni, praduhledžanyja druhoj častkaj artykuła, jakija učynienyja paŭtorna, albo hrupaj asobaŭ pa papiaredniaj zmovie».
Maksimalnaja adkaznaść — da 10 hadoŭ pazbaŭleńnia voli z kanfiskacyjaj majomaści.
Sprava pieradadzienaja ŭ prakuraturu dla skiravańnia ŭ sud.
Kanstancina Burykina zatrymali prykancy listapada 2016 hoda, tady jon jašče de-fakta ŭznačalvaŭ Fiederacyju paŭerliftynha Biełarusi i byŭ baciuškam u pravasłaŭnym prychodzie vioski Hatava pad Minskam.
Napiaredadni zatrymańnia «Naša Niva» rabiła detalovaje rasśledavańnie žyćcia i dziejnaści hetaha čałavieka.
Čytajcie taksama. Rasśledavańnie: jak «baciuška sa svastykaj» rasparadžaŭsia biudžetnymi miljardami
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary